Abomasum Xiphemu xa vumune xa khwiri ra mbuti lexingana ti gastric juices nati enzymes leti gayelaka swakudya.
Abortifacients - Xidzidziharisi lexi tirhisiwaka kuvanga kulahlekeriwa hi ndzhwalo. Swin’wana swinga tekiwa tani hi phoyizeni leyikumekaka eka swimilani na misinya, etc.
Abortion - Ku lahlekeriwa hi ndzhwalo eka mbuti ya xisati leyinga biha emirini loko nkarhi wakutswala wunga se fika.
Acidosis – Xiyimo xakuva khwiri ritaleriwa ngopfu hi acid. Hi xitalo hikokwalaho ka kudya ngopfu grain.
ADF - Acid Detergent Fiber. Xikombiso xaku gayeriwa ka furu.
Aflatoxin- Thyaka leri humaka eka fungi Aspergillus flavus na Aspergillus parasiticus.
Afterbirth- Nchaga lowusalaka wukarhi wu cikinya endzhaku kaloko mbuti yitswarile loku hetelelaka wu wa endzhaku ka 3 kuya eka 6 wa ti awara endzhaku ko tswala.
AI (Artificial Insemination) – Ndlela leyitirhisiwaka ku endla leswaku timbuti ta xisati tibiha emirini ya xinuna yingavanga kona hi nyama.
Ante-mortem – Loko kungaseva na rifu.
Anthelmintic- Murhi lowu dlayakakumbe kususa ti parasite e khwirini kufana na manyokanyokani.
Antibiotic – Ti khemikali leti kumekaka eka ti cell leti hanyaka leti sivelaka kukula kumbe kudlaya ti microorganisms.
Artificial Rearing- Kukurisa nwana hi masi kumbe xoyimela masi.
Atrophy – Kuhunguta sayizi yati cells, swirho kumbe miri hinkwawo; hikokwalaho ka mavabyi kumbe kupfumaleka ka swakudya.
B
Banding – Leswi swikatsa kutirhisiwa ka ti rings (bands) ku susa swibolwani eka xirho xa xinuna.
Billy – Mbuti ya xinuna, ritala kutirhisiwa ku hlamusela mbuti leyikulu ya xinuna.
Body Condition Score – Ntsengo wakusuka eka 1 kuya eka 5 (thin to fat) lowu tirhisiwaka ku pima xiyimo xa xifuwo.
Bolus – Pilisi leyikulu ya xivumbeko xa oval leyingana ti antibiotics.
Bots – Matandza lawantsongo lawa kaselaka eka tinhopfu ta xifuwo.
Breeding Season – Nkarhi lowu ya xisati yikombaka estrus.
Brood Doe – Ya xinuna leyi vekeriweke xikongomelo xaku andzisa hikokwalaho ka ngati kumbe ti genetics ta yona.
Browse- ximilani xamatluka lawa yanga emarhavini, xihlahla kumbe xinsinyani.
Browsing- Timbuti ti famba famba kusuka eka ndzhawu yin’we kuya eka yin’wana tikarhi ti dya swakudya.
Brucellosis- Ku hlaseriwa hiti bacteria ta ntlawa wa Brucella, letitalaka ku vanga ku lahlekeriwa hi ndzhwalo eka swifuwo xikan’we naku pfumala ntsamiseko eka khwiri ra vanhu. Yitlhela yivuriwa Undulant fever, Malta fever, kumbe Mediterranean fever.
Buck - Mbuti ya xinuna.
Buckling – Ximbutani xa xinuna.
Burdizzo – Xitirhisiwa lexi tirhisiwaka ku thena timbuti ta xinuna kambe tinga vaviseki eka nhlonge.
Butting –Ndlela leyi timbuti tilwaka hi yona hiku tirhisa timhondzo na magomo.
C
CAE - Caprine Arthritic Encephalitis, xitsongwatsongwana xa timbuti lexi fanaka na AIDS eka vanhu.
Calcium to Phosphorus Ratio – Nhlayo yokarhi ya calcium na phosphorus eka swakudya. Hi xitalo ku hlohleteriwa kuva 2:1.
Chevon – Nyama ya mbuti.
CC - Cubic centimeter, swifana na ml. 3cc = 3ml swafana eka ti njhekixeni.
Chlamydia -Ti organisms letintsongo leti fambelanisiwaka na pneumonia, ku susa ndzhwalo, nchuluko, conjunctivitis, arthritis na encephalitis.
Chlamydiosis- Muxaka wo susa ndzhwalo lowu tlulelaka.
CL - Caseous Lymphadenitis, abscess ya mavabyi eka timbuti leyi tlulelaka swinene.
Cloning – Ku humelerisiwa ka ti genes kumbe timbuti leti fananka na leyinga nyikela.
Clostridial Organisms - Anaerobic bacteria leyi humesaka ti spores e hansi ka swipimelo swokarhi.
Cocci - oxycyt leyi herisaka lining endzeni ka marhumbu lawantsongo kutani yi vanga nchuluko na rifu; (yifana na coccidiosis)
Coccidiosis - oxycyt leyi herisaka lining eka rhumbu lerintsongo kutani yi vanga nchuluko na rifu; (leyi vitaniwaka cocci)
Colostrum – Masi yosungula lawa yanga tala ti antibodies lawa yangana nkoka eka vutomi bya vana.
Corpus luteum – Ti gland leti pfumalaka mbovo letivaka kona eka ti ovaries hiku lulamisiwa ka Graafian follicle endzhaku ka ovulation. Switlhela switiveka tani hiku susiwa ka ti glands leti eka nguluve kumbe homu, maendlelo nkulu ya progesterone. Plural = corpora lutea.
Corticosteroids – Ntlawa wati steroids, kufana na aldosterone, hydrocortisone, kumbe cortisone, leti humelelaka hi ntumbuluko tani hi mbuyelo wa adrenal cortex. Yitlhela yivitaniwa corticoid.
Creep – Ndzhawu leyi swifuwo leswintsongo swinga nghenaka kambe leswikulu swinge ngheni. Leswi dyaka eka ndzhawu leyi kumbe ku handza kona kumbe xivala xintsongo lexi fikeleriwaka hi swifuwo leswintsongo swivuriwa creep feeders.
Critical Temperature- Mahiselo kumbe matitimelelo yale henhla kumbe e hansi lawa yanga amukeriwaka hi xifuwo loko kunga se engeteleriwa swakudya kuva xikuma matimba kuva xiva na mahiselo ya miri yantolovelo.
Crossbred- Nwana loyi avaka kona endzaku ka kuhlanganisiwa ka swifuwo swa tinxaka timbirhi to hambana.
Crossbreeding – Kuhlanganisiwa hi masangu ka tinxaka timbirhi tohambana kumbe kutlula.
Cryptosporidiosis- Ti organism leti engetelekaka endzeni ka rhumbu lerintsongo.
Culling – Ndlela yo herisa swifuwo leswinga pfuneku nchumu eka kufuwa kumbe swinga levekiki.
Culls – Timbuti letinga fikeleliki xiyimo lexi lavekaka.
Custom Feeding- Maendlelo yo phamela swifuwo naku hlayisa swiendleriwa n’wamapurasi eka ndzhawu yin’wani kutani yena a hakela.
Cut- Ku thena.
Cysticercosis- Xiyimo xakuva matandza ya manyokanyokani yanga titumbeta laha yanga tshikeriwa kona.
D
Dehydrate- Ku lahlekeriwa hi swihalaki e mirini hikokwalaho ka mkhuhlwani, switsongwatsongwani kumbe kuhisa.
Disbudding- Ma endlelo yo susa timhondzo eka timbuti.
Doe – Mbuti ya xisati.
Doeling – Ximbutani xa xisati.
Drenching – Kunyikela murhi hi wexe eka swifuwo.
Drylot – Xivala lexi hlayisaka swifuwo kuringana nkarhi wokarhi xinga fuleriwanga.
Dry Matter (DM) Xiphemu xa swakudya leswingariki mati.
E
Elastrator – Xitirhisiwa lexi tirhisiwaka kuvekela swirhekerhani eka ncila na xirho xa xinuna xa xifuwo loko xi theniwa. Van’wamapurasi van’wana va tirhisa maendlelo lawa loko va susa timhondzo.
Embryo Transfer- Ku susiwa matandza lawa ya yisiwaka eka xifuwo xin’wana hi ndlela ya xidokodela.
Emaciation – Ku yisa xifuwo e mahosi hi wexe.
Encephalitis – Ku pfimba ka byongo hiku kombisa mukhuhlwani, incoordination na convulsions.
Enteritis – Ku pfimba ka marhumbu.
Enterotoxemia,Actually misnamed ‘overeaters’- ti toxin eka timbuti hinkwato letinga hanya kahle,leti andzisanaka kutani titisa kuvava ekhwirini kutani ti dlaya timbuti.
Enterotoxemia - Mavabyi yaType C lawa hlaselaka timbutieka mavhiki yambirhi yosungula ya vutomi bya tona lawa ya hlaselaka marhumbu lawantsongo kutani kuva na rifu ra xihatla.
Enterotoxemia Type C na D Toxoid- Murhi wu nyikiwa swimbutani leswaku swikota ku lwisa mavaby yofana na Enterotoxemia type C na D. Wa kumeka na laha wunga hlanganisiwa na murhi wa tetanus.
Enterotoxemia Type D- Mavabyi lawa ya hlaselaka timbuti letinga sawutisisiwangiki leti atinyikiwa swakudya leswingana energy yotala.
Entropin- Mavabyi lawa yango tekeleriwa lawa ya hlaselaka ehansi ka tihlo, ya endla leswaku xiphemu xale hansi xa tihlo xikhuhlana na tihlo.
Estrogen- Hormone leyi endlaka leswaku corpus luteum yitlhelela evutshan’wini naswona yi nyanyukisa estrus (leswaku xifuwo xinavela masangu).
Estrous Cycle- Nkarhi wosuka ekusunguleni kuva xifuwo xitsakela masangu. Leswi switala kuva kwalomu ka 16-17 wa masiku.
Estrus – Nkarhi lowu ya xisati yi amukelaka ya xinuna eka timhaka ta masangu. Hi xitalo kuva kuri 24 - 36 wa ti awara, switlhela switiveka tani hi ‘heat’.
External Parasite – Switswonga ngati leswikumekaka eka dzovo kumbe voya bya xifuwo, nhlonge, tinhomfpu kumbe tindleve ta xifuwo.
F
Fecundity- Vuswikoti bya xifuwo byaku tswala nwana. Swifuwo leswi tswalaka hiku hatlisa, himinkarhi, xitswala kutlula nwana un’we hinkarhi naswona xivuriwa fecund.
Fertility- Vuswikoti byo tswala.
Fetus- Xivumbiwa lexi xaha kulaka endzeni ka khwiri.
Flehmen response – Mahanyelo ya mbuti yaku petsa nomo wale henhla yi humesa matino ya yona, yi hefemulele endzeni yi pfale tinhompfu kuringana xinkarhani.
Flight Zone- Ndzhawu yokarhi ya vuhlayiseki ya swifuwo.
Flushing – Ma endlelo ya vulawuri yaku antswisa kungu ra swakudya eka xifuwo xa xisati loko xinga se ya eka masangu leswaku kuta antswiseka nhlayo ya ovulation.
Foot Bath- Nkatsakanyo ta mati na tikhemikali, laha timbuti tiyimaka kona, yitirhisiwa ku sivela kumbe kutshungula mavabyi ya swinondwana kumbe foot scald.
Forage – swakudya leswingana fiber swofana na silage, hay na madyelo.
Forcing Pen – Xivala lexitirhisiwaka ku pfalela swifuwo loko swinga se ya tshunguriwa.
Freshen – Ku lulamela.
G
Galatopoiesis - Ku antswisa ku humesiwa ka masi.
Gambrel Restrainer - Xitirhisiwa xa plastiki xa xivumbeko xa gambrel lexi vekeriwaka enhan’wini ya xifuwo leswaku xikota ku khoma milenge yale mahlweni ya xifuwo.
Gastroenteritis- Ku pfimberiwa ka marhumbu na khwiri.
Gestation – Nkarhi waku biha e mirini kusukela laha xifuwo xibihaka kufikela loko xiya tswala, hi xitalo kuva kwalomu ka 142 kuya eka 152 wa masiku.
Grafting- Kukurisiwa ka n’wana hi mhani woka angari wa ngati.
Group Fed – Maphamelelo ya swakudya laha swifuwo swidyaka swiri ntlawa hinkarhi wun’we.
Guard Dog – Mbuti leyi tshamaka na timbuti yiti rindza naswona yingati vavisi kambe yi lwisa valala loko va tshunela.
H
HACCP- Hazard Analysis Critical Control Point, maendlelo lawa ya amukeriwaka emisaveni hinkwayo eka vuhlayiseki bya swakudya kusivela khombo leringa tisiwaka hi leswi cheriweke eka swakudya.
Heat - Vona estrus.
Helminths- Manyokanyokani lawa ya dyaka swakudya.
Herd – Ntlhambi lowungavaka lowuntsongo kumbe lowukulu wa timbuti. Ntlawa wa timbuti lowunga tshamaka swin’we wukota kuhanya kahle endzhawini yin’we. Hiku pimanyisa, muxaka wun’wana na wunwana wuna vito ra ntlawa wa rona kufana na ‘flock’ of geese, ‘pride’ of lion xikan’we na ‘pack’ of dogs.
Hypocalcemia – Nhlayo yale hansi ya calcium e ngatini.
Hypomagnesemia - Nhlayo yale hansi ya magnesium e ngatini.
Hypothermia - Ku tsandzeka ku kufumela loku vangiwaka hi maxelo yotitimela na mpfula.
I
IM- Intramuscularly, ku tlhava misiha.
Immunity- Ku tolovela swokarhi kufana na muxaka wa murhi wokarhi kumbe ti pathogenic microorganism.
Intermediate Host – Xifuwo kumbe xiphemu xa miri lexi hetisisaka xiphemu xa vutomi byaxitswonga ngati xokarhi naswona xi onha swinene.
Internal Parasites- Switswonga swakudya leswinga endzeni ka khwiri, mahahu na marhumbu ya timbuti.
International Unit (IU)- Lexi tirhisiwaka ku pima nhlayo yati vitamins na swidzidziharisi.
Iodine – Xisusa thyaka eka nkava wa ximbutani lexi pfunaka ku hatla ku oma eka nkavakutani xipala nkava wa mbuti. Xitlhela xitirhisiwa eka swinondwana swa swimbutani hi n’wamapurasi. Iodine ya swifuwo yina 7% wa iodine loko iodine ya vanhu yiri na 2% iodine.
J
Jacobson's Organ - Yitlhela yitiveka tani hi vomeronasal organ yitirhisiwa ku kuma ti pheromones, vurhumiwa bya ti khemikali lebyinga na vuxokoxoko exikarhi ka tinxaka leti fanaka leti vuriwaka ti ‘sixth sense’.
Johnes - Mavabyi lawa ya onhaka endzeni ka khwiri, ya tlulela hiku kumeka eka vulongo bya xifuwo (poop).
K
Keds - Swigalani leswi tswongaka ngati laha swi boxaka nhlonge switisa ku vaviseka swinene eka nhlonge.
Ketones - Ti compounds leti kumekaka eka ngati ya mbuti leyinga biha e mirini leyingana toxaemia yo biha emirini.
Known Carrier - Xifuwo lexinga tswala vana lavanga tswariwa vangari kahle.
Kid(s) - Ximbutani xa rimbewu rihi kumbe rihi.
Kidding - Ku tswala vana.
L
Lactation - Nkarhi lowu mbuti ya xisati yi humesaka masi. Hi xitalo kusukela eku tswaleni kuya fika eka kulumuriwa ka ximbutani.
Lactated Ringers Solution - Yi tirhisiwa ku engetelela swihalaki eka miri loko mbuti yi heleriwa hi mati (yitiveka tani hi LRS).
Legumes - Ndyangu wa swimilani leswingana mbewu eka mihandzu ya swona. Alfalfa hay i xikombiso xati legume.
Leucocyte (leukocyte) - Switala ku vuriwa ti white blood cells.
Liver Flukes - Ti organisms letintsongo tingana xivumbeko xa matluka leti songanaka eka nyongwa kumbe xivindzi.
Loading Chute - Xilo lexi tirhisiwaka ku khandziyisa timbuti eka lori kumbe xigolonyani.
Lochia - Ngati ya ntima leyi humaka eka mbuti ya xisati mavhiki endzhaku ka kutswala.
LRS - Yitirhisiwa ku engetela swihalaki eka timbuti leti heleriwaka hi mati emirini (yitiveka tani hi Lactated Ringers Solution kumbe Ringer Lactate).
Lungworms - Manyokanyokani lawa kumekaka eka swihefemuli na mahahu.
M
Mange Mites - Mites leti hlaselaka naku onha nhlonge na voya.
Manure - Vulongo, nanny berries, vulongo lebyi humaka, mahumo ya mbuti.
Mastitis - Ku pfimba eka mavele leswivangiwaka hi nhlaselo wa ti bacteria leti endlaka leswaku ku hunguteka masi.
Metritis - Ku pfimba ka uterus.
Milk Fever - Ku hunguteka kukulu ka plasma calcium loko ku nghenelelaka eka kuhundzisiwa ka ti nerves, leswi vangaka xiphemu kumbe ku gonoka ka swirho loku humelelaka eku tswariweni kumbe kusungula ku humesa masi.
Milk Replacer - Masi lawa yanga endliwa hi munhu ku phameriwa swimbutani.
Mineral - Inorganic substance leyi kumekaka hintumbuluko eka ti cells ta miri, ti tissues na swihalaki.
Mitigation - Kuhunguta kutala ngopfu hiku tirhisa timbuti ku lawula nhova kumbe swihlahla switiveka ku antswa tani hi mitigation.
ml - milliliter, kufana na cc; 3cc na 3ml swafana nale ka ti shots. 1000 ml = 1 liter
Monogastric - Xifuwo lexingana khiri ropfumala tikamara. Timbuti ti tano.
Mycotoxin - Toxic compounds leti vangiwaka hi fungi.
N
Nanny - mbuti ya xisati leyinga tswala.
Natural Immunity - Ku kondzelela ku tekelela mavabyi leswi yaka hi muxaka, kuya hiku hambana ka tinxaka na mbuti hi yoxe.
Necropsy - Xikambelo xa xifuwo lexinga lova kuta tiva xivangelo xa rifu.
Nematode - Switlhela swivuriwa ti roundworms, nematodes hitona tinga tala tani hi manyokanyokani eka swifuwo na swimilani kumbe eka misava, mati yo tenga, eka tindzhawu tale lwandle xikan’we nale ka vinegar na malt ya biya.
Nitrate Poisoning - Xiyimo laha nhlayo ya phoyizeni yitlakukaka eka swimilani.
Nose Bots - Matandza lawa yantsongo lawa ya khungulukelaka eka swirho swo hefemula.
O
Oesophagal Feeder - Chupu leri vekiwaka ehansi ka oesophagus ya mbuti ku lawula masi na swihalaki swin’wani.
Omasum - Xiphemu xa vunharhu xa khwiri lexinga exikarhi ka reticulum na abomasum.
Oocyst - Xiteji eka vutomi bya coccidia (a protozoal parasite) lexi humesiwaka eka manyoro. Timbuti ti hlaseriwa hiku mita oocysts kusuka eka madyelo lawa yanga hlaseriwa.
Orifice - Mbhovo lowunga emakumu ka vele.
Ovary - Xirho xo sungula xa xisati xaku tswala.
Over the Counter Drugs (OTC) - Swidzidziharisi leswinga xaviwaka hi mufuwi naswona swinga lavi ku hlawuleriwa hi dodokela wa swiharhi.
P
Palatability Taste - Leswi swivula ku hlawula ka mbuti eka swakudya leswi nga kona kudya swona.
Parasite - Ti organism leti hanyaka tingari na laha tinga hlayisiwa kona.
Parous - Ta xisati letinga tswala vana.
Parturient Paresis - Kuhunguteka loku kulu eka nhlayo ya plasma calcium loku nghenelelaka na nerve transmission, swivanga ku gonoka loku humelelaka eku tswariweni.
Parturition - Ku tswarisa vana; ku tswariwa.
Pinkeye - Mavabyi lawa ya tlulelaka lawa ya hlaselaka matihlo ya timbuti (ya tlulela naleka vanhu).
Placenta - Nchaga lowu vaka kona eka mbuti loko yi heta kutswala.
Post Mortem - Endzhaku ka rifu.
Postpartum - Endzhaku kotswala.
Prepartum - Loko kungase tswariwa.
Pregnancy Toxemia - Mavabyi ya kufayeleriwa ka swakudya hinkarhi waku biha emirini ka mbuti ya xisati leswi vangiwaka hi mpfumaleko wa energy eka swakudya loko mbuti yiri kusuhi na ku tswala.
Probiotic - Ti organisms leti hanyaka leti pfunaka eka kuvila endzeni ka khwiri.
Progeny - Vana.
Prolificacy (fecundity) - Nhlayo ya vana lavanga tswariwa hi mbuti ya xisati.
Protein - Swakudya swankoka leswingana nitrogen leswingana ti amino acids, leswikumekaka eka hinkwaswo leswi hanyaka.
Protein Supplement - Swakudya leswingana nhlayo yale henhla yati protein. Leyi phameriwaka swifuwo tani hi swakudya swo engetelela eka swakudya swa ntolovelo.
R
Ration - Nkatsakanyo wa swakudya leswi phameriwaka swifuwo eka nkarhi wa 24 wa ti awara.
Rehydrate - Ku engeteriwa ka swihalaki swa miri leswinga lahleka loko mbuti yi khomiwe hi mavabyi, mukhuhlwani, kuhisa, na swinwana.
Rennet - Kususiwa eka khwiri ravumune, ti enzyme letitirhisiwaka ku cinca masi kuya eka lawa yo tiya.
Reticulo - Rumen Xiphemu xa khwiri lexi katsaka reticulum na rumen leswinga ndzhawu yaku vila ka swakudya.
Reticulum - Xiphemu xa vumbirhi xa khwiri, xitlhela xitiveka tani hi khwiri ravumbirhi. Khwiri rakona rina xivumbeko xa honeycomb ku tatisa ndzhawu yaku kota kutswonga swakudya.
Rigor Mortis - Ku khonyana ka nkarhi hinkwawo ka timayisele leswi fanelaka na rifu.
Roughage - Swotiyela, swakudya swotala leswingale henhla hi fibre kufana na hay, mahlangu kumbe silage.
Rumen - Xiphemu lexikulu xa khwiri lexingana ti microbes leti kotaka ku fayelela furu na ti roughages.
Rumen-Reticulum - Hi laha ku vilaka swakudya e khwirini laha kunga tala ti microbes.
Ruminant - Ntlawa wa swifuwo leswi cakunyaka cud ya swona naswona yina tikamara ta mune.
Rumination - I maendlelo yakuva swakudya switlhela swivuyisiwa swita cakunyiwa.
S
Scours - Nchuluko lowu fambelanaka naku phameriwa masi yoka yanga lulamelangi.
Shipping Fever - Mavabyi ya swohefemula lawa ya fambelanaka na ku fambisiwa ka timbuti.
Silage - Furu ya rihlaza leyi cinciwaka kuva swakudya swa 30% - 40% ya swakudya leswinga oma swa timbuti hikuva swihlayisiwa kungari na moya (tani hi silo kumbe air-tight bags).
Sire - he father.
Soremouth - Mavabyi lawa ya tlulelaka swinene (nale ka vanhu), yahangalaka hiku hatlisa naswona ya tisa swilondza laha handle ka nomo, tinhompfu, matihlo naswona yanga hlasela na mavele eka timbuti leti humesaka masi.
SubQ - Subcutaneous, kutlhaviwa ehansi ka nhlonge (sometimes written as SQ or sq).
Synchronization - Maendlelo ya vulawuri lawa ya tirhisiwaka ku endla timbuti tiva eka cycle yin’we hinkarhi wunwe.
Systemic Disease - Mavabyi laha kutlula xiphemu xin’we xa miri wa xifuwo xi hlaseriwaka; hi xitalo kuva miri hinkwawo, kumbe xin’we kumbe swotala.
T
Total Digestible Nutrients (TDN) - Swipimelo swa maendlelo yaku kombeta nkoka wa energy eka swakudya.
Trace Minerals (TM) - Timinerali leti lavekaka hi nhlayo leyintsongo.
Urinary Calculi - Mavabyi lawa ya tshovelelaka eka swinyimpfana swa xinuna kuya hiku endliwa ka swiribyana laha kuhundzaka mitsakamiso. Switala ku vangiwa hiku pfumaleka ndzingano eka calcium na phosphorus e swakudyeni.
Uterus - Xiphemu xa xisati xotswala laha embryo yivaka kona loko kunga se tswariwa (womb).
V
Vaccination - Nsawutiso lowu endliwaka eka swifuwo leswinga hanya kahle kutiyisisa leswaku swikondzelela mavabyi yokarhi.
Vaginal Prolapse - Kuhumela e handle eka xirho xa xihundla xa xisati loko mbuti yiri ekusuhi naku tswala loko yi bihe emirini.
Vitamins - Ti organic compounds letintsongo, letingana nkoka eka kufayeleriwa ka swakudya, leswikumekaka eka swakudya leswi phameriwaka. Mpfumaleko wa swakudya wu vanga leswaku kuva na mavabyi ya hlawuleka.
Vomeronasal Organ - Leyi tivekaka tani hi Jacobson's Organ, yi tirhisiwa ngopfu ku lavisisa kumbe kukuma ti pheromones,vurhumiwa byati khemikali byi teka vuxokoxoko exikarhi ka timbuti ta muxaka wun’we, hiswona swiendlaka leswaku swivuriva tani hi ‘sixth sense’.
W
Wether - Mbuti ya xinuna leyinga theniwa.
White Muscle Disease - Vuvabyi lebyi vangiwaka hi mpfumaleko wa selenium, Vitamin E kumbe hivumbirhi laha swivangaka kulahlekeriwa ka xikeletoni na timayisele na timbuti.
Withdrawal Period (kumbe nkarhi) - Nkarhi lowu xidzidziharisi xinga fanelangiki kuva xinyikeriwa loko kungase xavisiwa kutiyisisa leswaku axi Sali eka nyama kumbe masi.
Y
Yearling - Ximbutani xa lembe rin’we.
Z
Zoonosis - Mavabyi ya swifuwo lawa yanga hundziseriwaka eka vanhu.
Zygote - Mbuyelo wa masangu, ie. Kuva na cell leyi vangekaka loko kuhlangane oocyte na spermatozoan.Translated by Ike Ngobeni