Ndlela ya ndhuma swinene ya mulch leyitirhisiwaka iya straw kumbe hay. Kuya hileswi swidurhaka ku endla hindlela leyi, switala ku endliwa eka nhova leyi olovaka kutsuvulela ngopfu ngopfu leyi milaka eka nsimu ya madiriva. E Swartland laha kubyariwaka ngopfu madiriva ya wayeni, kutlhela kukatsiwa nakubyariwa ka koroni naswona straw xitshama xirikona, minkarhi yinwana yitirhisiwa nale ka mintila ya minsinya ya madiriva. Van’wamapurasi avaha tirhisi sawdust tani hindlela yo ndlalela hikuva leswi swiyisa ehansi pH ya misava.
Maendlelo lawa ya mulch ya hetelela yakatsiwa na misava leswaku yata engetelela manyoro tani hileswi nhova leyi yibolaka loko yihlangana na misava. Leswi switlhela swiengetelela swakudya swa swimilani leswinga byariwa hikuva swikota kubola kahle emisaveni leswi endlaka leswaku misava yinona no engeteleleka hi swakudya. Leswi switlhela swikhumba swinene eka nhlayo ya switsotswana, laha vulavisisi byikombaka leswaku kuva na switsotswana swintsongo swinene eka masimu ya madiriva laha kunga endliwa mulch.
Translated by Ike Ngobeni