Rest Camps ta Mune
Lexi i xiphemu xa ti phati ya Mapungubwe. Byetlelo byakona byi kahle swinene! Hinkwato ti nkamba leti tiri mune taha ku akiwa, naswona mbuyelo wanyanyula swinene. Akuna tiyindlu ta tirhandzavula to borha. Nkamba yinwana na yinwana yina akekelo ra yona na sasekelo ra yona, naswona lava vanga dirowa pulani yakona varingetile kuva va endla switirhisiwa leswaku swiringanela hindlela leyi baseke eka ndzhawu leyi yosaseka.
Maakekelo lawa exikarhi ka ndzhawu leyi na ntumbuluko i swin’wana swa swikombiso leswinga humelela eka eco-architecture leyi ndzi nga tshama ndzi yi vona. Endzeni ka muako, switikomba ku tekiwe nkarhi ku hetisisa leswi tirhisiweke ku khavisa naswona nkamba yin’wana na yin’wana yina xivumbeko xa yona xiri xoxe. Byetlelo lebyi hinkwabyo hilaha vuyeni byiti swekelaka swakudya nanswona ntanga lowu awuna mavhengele kumbe tindzhawu to xavisa swakudya eka nkarhi lowu.
Leokwe Camp
Leyi hiyona nkamba leyikulu, naswona yilekusuhi na Confluence View Site xikanwe na Treetop Hide. Yitshamile emilengeni ya sandstone valley, leyinga tala hi maribye yotshuka lawa yanga khukhuriwa kukondza yasala ya cinamile kwala nkambeni. Maendlelo yakona ya fambelana na makaya ya xintu ya xi-Venda, xikan’we na makhumbi yotiyela lawa yanga sindziwa tani hi xirhendzevutani ya muhlovo wa ochre wa tiyindlu leti wufambelana kahle na ndzhawu leyi tinga eka yona.
Nkamba leyi yina ndzhawu yo khidela eka yona yintsongo, leyinga ensliwa e maribyeni, ndzhawu yale xikarhi yo oxela eka yona nyama xikanwe na ndzhawu yo orhela masana eka yona. Kuna xivhengelani xintsongo lexinga akiwa, kambe axinga se pfuriwa hinkarhi lowu andzi vhakele nkamba leyi. Ndzi twe leswaku xixavisa swilo swa nkoka leswi lavekaka, kufana na charcoal, swiwitsi na swotima torha kambe unga languteli swotala.
Limpopo Forest Tented Camp
Leyi yova yona nkamba leyi ndzi yirhandzaka swinene. Yitshame e nhoveni hile vuhuma dyambu bya ntanga ekule swinene na swilo. Kuna ti cabin ta mune e nkambeni, tiakeriwe emakumu swinene laha tinga languta eminkoveni leyinga tala misinya. Eka nkamba leyi akuna gezi naswona kutirhisiwa matimba ya dyambu kuva ku voningiwa. Cabin yin’wana na yin’wani yina mibedwo yimbirhi yo etlela munhu un’we, xiyindlwani, xawara na deck leyinga pfuleka.
Leswi swinga tirhisiwa ku khavisa laha ndzeni kati cabins swi olovile kambe swisasekile. Kuna khixi leritirhisiwaka hi nhlanganelo, ndzhawu yo dyela eka yona na lapa leswi switirhisiwaka hi vanhu hinkwavo lava vanga eka ti cabin leti ta mune. Ku tlhela kuva na ndzhawu yo khidela eka yona yintsongo leyi tumbetiweke le maribyeni e henhla ka nkamba.
Vhembe Wilderness Camp
Leyi yova yona nkamba leyi ndzi yirhandzaka swinene. Yitshame e nhoveni hile vuhuma dyambu bya ntanga ekule swinene na swilo. Kuna ti cabin ta mune e nkambeni, tiakeriwe emakumu swinene laha tinga languta eminkoveni leyinga tala misinya. Eka nkamba leyi akuna gezi naswona kutirhisiwa matimba ya dyambu kuva ku voningiwa.
Cabin yin’wana na yin’wani yina mibedwo yimbirhi yo etlela munhu un’we, xiyindlwani, xawara na deck leyinga pfuleka. Leswi swinga tirhisiwa ku khavisa laha ndzeni kati cabins swi olovile kambe swisasekile.
Kuna khixi leritirhisiwaka hi nhlanganelo, ndzhawu yo dyela eka yona na lapa leswi switirhisiwaka hi vanhu hinkwavo lava vanga eka ti cabin leti ta mune. Ku tlhela kuva na ndzhawu yo khidela eka yona yintsongo leyi tumbetiweke le maribyeni e henhla ka nkamba.
Tshugulu Lodge
Leyi yona hi leyi ya manyunyu. Tshugulu yifana na guest lodge leyinga na nhundzu ya manyunyu na swikhigelo leswikulu swinene. Lodge yile eka xiphemu xa vupela dyambu bya nkamba, nayona yitshame exikarhi ka madyiribye lawa yakulu. Maribye lawa yakulu swinene yotshuka ya koka rinoko.
Tshugulu yina ndzhawu yohlambela leyikulu swinene naswona yinyikela vuyeni vuwiselo byo vempfama eka tikamara letinga khavisiwa hi maribye kutlhela kuva na swihambukelo leswikulu. Tikamara hinkwato tina air-conditioning xikanwe na ti net to sivela tinsuna. Kuna tikamara ta ntsevu, naswona ndzhawu leyi yinga rhurhela kwalomu ka 12 wa vanhu. Kuna khixi leringana switirhisiwa hinkwaswo kukatsa nati firiji.
Byetlelo byo Tiswekela bya Mapungubwe
Switirhisiwa hinkwaswo swale Mapungubwe hilaha miti swekelaka hi nwexe. Naswona ndzi vula sweswo. Mapungubwe National Park ayina vhengele laha unga xavaka swilaveko swa wena, kambe swikahle kuva uta u tiyimiserile hiku hetiseka, lero loko wotshuka uheleriwile hi matandza, awu boheki ku chayela 70kms kuya e Alldays kumbe Mussina kuya kuma mandza.
Eka vuyeni bya ni nhlekani, kuna vhengele leri xavisaka swakudya swanimixo na swo olova naswona kutlhela kuva na tindzhawu tati picnic laha unga yimaka u oxa kona. Unga lomba gas braais eka ndzhawu ya picnic, kambe awunge koti ku xava tihunyi. Ndzhawu yo amukela vuyeni e gedeni yina firiji leyingana mati, juzi na swinwana switima torha.
Byetlelo hinkwabyo lebyinwani byilulamele kuti swekela. Kamara yin’wana na yin’wana yina khixi rohelela na switirhisiwa hinkwaswo: microwave, toaster, firiji, xitofu, oven na swinwana. Malepula na mikwana, tinghilazi, mapoto na mapani swakumeka. Leswi u faneleke kuta na swona i swakudya, swotima torha na tihunyi. Mati yakona yan’wiwa kambe ya dzunga. Loko khwiri ra wena rinyenyela, swingava kahle kuva uta na mati ya wena na swinwani swon’wa.
Translated by Ike Ngobeni