Lebitso
LebakeLebitso la SeLatin
Leonotis leonurusTjhadimeho
Lebake ke moru o qadikaneng ka dikutu tse nne tse telele tse sekameng tse kgutlonne ponopomahanyong. Mahlaku a ka bobedi, a ka masesane kapa sephara ka meno; hangata a atisa ho ba le boya. Dipalesa di na le dintlha ebile di kukilwe dihlohong tse teteaneng tse lekanang le bolo ya kolofo hodimo kutung ka palesa tse mmala wa lamunu; di arohantswe ka bobedi ke dintlha kapa melomo, molomo o ka hodimo o moholwana ebile o kwahetse menono ya modula, ha o ka tlase o le monyane.Ditala-tale di atisa ho ja lero la dipalesa. Nako ya ho thunya ya lebake ke lehlabula kapa hwetla. Leha lebitso lena la Senyessemane e le “Wild Dagga”, mahlaku ha a sebediswe bakeng sa matekwane empa a tsujwa ho oka mahloko a itseng.