Tinhlobo Temihlabatsi Letilungela Sihlahla

© Louise Brodie
Young vines planted in rocky soil.
Tinhlobo temhlabatsi eNingizimu Afrika tiyahlukana kakhulu. Leminye imihlobo iyisanti, leminye igcwele libumba phindze kube naleyo legcwele ematje. Imihlabatsi ayihluki kuphela ngembala nangendlela lobukeka ngayo kepha uphindze uhluke ngendlela lovundze ngayo nekutsi emanti uwabamba kangakanani. Umhlabatsi loyisanti nalogcwele ematje akavundzanga kakhulu phindze awubambi emanti kahle njengemhlabatsi welibumba. Phindze nemsoco losemhlabatsini nawo ubalulekile.
Tinhlobo tetinhlanyelo temagrabisi tingaba kahle kuletinye tinhlobo temihlabatsi. Kuhlangana kwe simo selitulu, indzawo, lwati ngematje kanye neluhlobo lwemhlabatsi konkhe loku kusita ekukhiciteni liwayini lelihamba phambili. Kepha futsi simo sendzawo neluhlobo lemhlabatsi kutsikameta lihlobo leliwayini. Kumcoka kakhulu kutsi wati luhlobo lwemhlabatsi kutsi utokhona kuwunakekela kahle kuze ukhiphe liwayini lelihamba phambili.
Kubona luhlobo lwemhlabatsi akukho melula kudzinga umuntfu lowatiko. Kuze utfole lwati, kufuneka ugubhe umgodzi. Lemigodzi lena, kufanele igubwe endzaweni letsite bese umuntfu longucwephesha kuleyo indzima abukisise loyo mhlabatsi.

Umhlabatsi Loyisanti

Umhlabatsi lonelibumba lelingaphansi kwemaphecenti (%) lasitfupha awuvimbi kukhula kwetimphandze, kepha inking lenkhulu ngalomhlabatsi kutsi awubambi emanti kahle futsi awukavundzi. Loku kusho kutsi umhlabatsi loyisanti kufanele uniselwe kakhulu futsi uhlale ufakwa manyolo. Emanti lamanyenti lasebentiswa kunisela lelihlobo lemhlabatsi asheshe ashe. Kunciphisa kusha kwemanti kungentiwa ngekuhlanyela tihlahla letivalako kanye nalokusebentiswa kuvala lokuhlanyelwe.
Kuhlanyela tihlahla letivalako nekunakekela likhula kumcoka emhlabatsini loyisanti. Kufaka umcuba emhlabatsini kukhuphula indlela lomhlabatsi Lobamba emanti ngayo. Indlela lekahle yekunisela lona mhlabatsi kunisela kulandzelana. Nona umhlabatsi loyisanti utsambile futsi uhlukene, ungahlangana futsi ucine emuva kwekuna kwelitulu nokuhamba kwetimoto kulona mhlabatsi.

Umhlabatsi Lolibumba

Umhlabatsi lolibumba utfolakala kakhulu eceleni kwemifula lapho ushiwe khona ngemanti natikhukhula. Libumba liwabamba kahle emanti futsi tihlahla letikhula kulona mhlabatsi tikhula kakhulu. Lomhlabatsi lona utsambe kakhulu futsi uyahlukana ngendlela lobukeka ngayo. Lokuhlukana kwalomhlabatsi ngendlela lobukeka ngayo kwenta timphandze tingakhuli kahle kanye nekuhamba kwemanti akubi lula.
Kugucula umhlabatsi welibumba kufanele kuhlelwe kahle. Ngendlela libumba lelibamba emanti ngakhona kumcoka nawufuna kulima ngemishini. Kuhamba kwetimoto nako kuyawenta umhlabatsi welibumba nawumanti kutsi ugcine ucinile. Emhlabatsini welibumba kufaka tintfo letivundzisako kwenta emanti kutsi ahambe kahle futsi nemoya ushaye kahle. Nangabe lomhlabatsi womile, kungakheka emagadze lamakhulu.

Umhlabatsi Lonematje

Lelihlobo lemhlabatsi litfolakala kakhulu emhlabatsini longetulu. Uphindze ubitwe ngekutsi iDorbank noma iKoffie klip. Kulungisa kahle umhlabatsi kumcoka kuze kususwe emagadze lenta tihlahla tingakhuli, latfolakala ngekushona kwemhlabatsi. Lawamagadze angavimba kukhula kwetimphandze. Kulungiswa kwemhlabatsi logcwele ematje kujwayele kudula ngoba esikhatsini lesinyenti kudzingeka imishini lemikhulu itosusa umhlabatsi locinile langetulu. Phindze kumcoka kutsi unake kutsi ungalimati lomhlabatsi losavele ulungisiwe. Umhlabatsi lonematje losalungisiwe ubamba emanti nemsoco kancono.