Dottybacks

Ligama

Dottybacks

Ligama Lesayensi

Pseudochromidae

Linani

Tisuka kumasentimitha lamashumi lasihlanu, silinganiso simasentimitha lasiphohlongo.

Kutichaza

Imitimba lemidze leyiyindingilizi lenematsambo lachubekako ngekukhula. Sicu selitsambo lelisimise umgogodla lincane bese ematsambo langasetibunu makhulu. Lendvuna nalensikati atibukeki ngekufanana. Tivame kuba nemibala lekhanyako lofana nembala loliphuti na lukhwebeletane. Lelimnyama, lelimhlophe kanye nemabala lamtfubi nawo ayatiwa/ajwayelwe.

Satiso Sebantfu Bonkhe

Imndeni we Pseudochromidae ufaka tinhlobo letilishumi nesitfupha kanye nemacembu lamashumi layimfica nesiphohlongo etilwane. Titfolwa emihumeni nase matjeni ladzilikile eceleni kwematje. Titsandza indzawo kakhulu. Ema Hermaphrodites (angatfola incenye yebulili yalendvuna nalensikati). Lensikati ingaletsa indishi lenemacandza lelapho lelendvuna ingawafukamela/ingawavundzisa iphindze iwanakekele/iwagadze kuze kufike sikhatsi sekuchobosela. Letinye tilwane tiphuma ngemilomo.

Kudla Kwato

Tidla titjalo letincane letihluma emantini noma eceleni kwemanti, tilwane letincane letiselwandle kanye netitjalo netilwane letincane letindanda ngetulu kwemanti.

Kusakata

Tivela ngatotonkhe tinhlobo tekushisa/tekubandza kanye nasetindzaweni letishisako letinelwandle mhlabawonkhe.

Tilwane Letatiwako

Bicolour dottyback - Pictichromis paccagnellae
Sankeys dottyback - Pseudochromis sankeyi
Dark dottyback - Pseudochromis pesi