Moorish Idols
Modingwana wa Bamoori
Leina la Lapa la Tlwaelo
Modingwana wa Bamoori
Leina le Lengwe la Yona
Legare la bjang la korone
Leina la tša Thutamahlale
Zanclidae
Bogolo
Go fihla disentimetara tše 25, palogare ya disentimetara tše 20.
Boitšhupo
Yeo e pitletšwego, ka mmele wa sebopego sa nkgokolo. Maphegwana a hlapi a ma nnyane le mokokotlo o teletšana wa go atološwa ka hlale ya go ota ya go ba seswano sa sebepu ya go bitšwa philomantis atološwa. Sefena se se telele, sa go swana le segwere ka molomo le meno a go swna le maledu. Sebopego sa go swana le lenaka le nnyane mo mahlong. Methalo ya go fapana ye tšhweu, boso le boserolane.
Tshedimošo ya Kakaretšo
Lapa la Zanclidae le bopša ke 1 ya leloko le 1 ya mohuta wa diphedi. Ka dinako tše dingwe e ka gakantšhwa le Coachman ye e lego ka sehlopheng sa dihlapi. E hwetšwa kgauswi le mekekemo ya koral. Lephegwana la hlapi la ka morago la go swana le legare la bjang le ba kopana ge le gola ka mengwaga. E fetola mmala go ya go wa go galoga bošego ge di ikhutša. Ka tlwaelo a bonwa ba bonnoši goba ka godimo ga mokekema. Di goela bophelo ka moka. Di ntšhetša mae ka ntle lewatleng la go bulega.
Phepo
Di ja dipontšhe, ditunicates le diphoofolo tša go hloka mekokotlo tša ka fase ga meetse.
Phatlalatšo
E direga ka dithempheretšheng ka moka le mawatleng a borutho a lefase.
