Go Fepa Kgomo Ya Maswi
Furu ye Botse, Maemo a Mabotse
©Rykie Visser Agrinet/Gibson Supplies
Palo ya maswi a kgomo ao a tla tšweletšwago ka mehla a theilwe godimo ga bokgoni bja gagwe le lenaneo la phepo. Dijo tša boleng bja fase ga di a swanela go lešwa dikgomo tša leabela le tša bokgoni bja godimo. Tšweletšo ya maswi e tla fokola ka dikgomo tše lahlelago ke maemo a mmele. Di tla ba tše sese gomme se se tha amago pelego ya tšona. Dikgomo di fepša dijo tša go swana le phulo, furu goba furukepelwa. Mohola wa phepo ya dijo o a fapana go tloga go (mahlaka) go ya godimo (mafulo a bjetšwego). Poelo ya maswi a dikgomo mo mahlakeng a tlo fokola gomme e be e ba godimo mo mafulong.
Mafulo vs Tshepedišo ya Phepo ya go Fula
Ka tshepedišo ya go fula, dijo di bunwa ke dikgomo ka go fula. Palo ya phulo ye e lego gona pele ga go fula e huetša poelo ya maswi a dikgomo. Furu e ka fepiwa ka dingata tše kalago 12-25 kg go ye nngwe le ye nngwe. Furu ya sešegong e tšewa go tšwa go mošaša wa furu gomme e fepša mo polaseng. (Furu ke bjang bjo hlwekilego goba bjang bja furu bjo tala, bjoo bolokwago mo go tswalegilego) Furu e na le monola go feta mahlaka; Ka fao palo e kgolo e swanetše go fepša, go netefatša gore go ba dijo tše omilego bjalo ka furu.
Go ja furu go swanetše go rekotiwa gatee ka beke ka go kala palo yeo fepilwego dikgomo le go kala mašaledi a lego gona. Ka tshepedišo ya go fula, furu e lešwa go dikgomo ka gare ga bojelo. Mohuta le bogolo bja dikgomo di ama palo ya fepo ya letšatši le letšatši, ka mohlala, go ba godimo ka Holsteins go feta Jerseys mola dikgomo tše golo di nyaka dijo tše ntši ka letšatši go feta dikgomo tša mathomo tša go gamiwa. Go ja dijo ga dikgomo tša Holstein go tšwa g 18-24 kg ka letšatši. Dikgomo tša Jersey ka ge di le tše nnyane ka bogolo, di nyaka12-16 kg ka letšatši.
Translated by
Lebogang Sewela
