Inyama YeeNtenetjha

Inyama yeeNtenetjha Ezizalwe Mhlobo Omunye

ESewula Afrika sinemihlobo eminengi yeenlwani esingakhetha kiyo umkhiqizo wenyama. Imihlobo yoke yenziwe ngomqopho othileko begodu ukutjhidela ngokwaneleko kwentenetjha neendingo zayo kwenza bonyana kube ncono umkhiqizo, nje-ke kuqakathekile bonyana ukhethe umhlobo olungileko ukwenzela umnqopho ofisiweko. Lokha nawufuyela isitjhebo ekhaya kwaphela, akutshwenyi ukuthi azifani begodu azilingani, kodwana nasele kuthengiswa ezinengi ukwenzela inzuzo, kuqakathekile bonyana umthengisi athingesele umthengi umkhiqizo ongatjhuguluki kanengi. Lokhu kungafezwa kwaphela nange usebenza ngeentenetjha ezizelwe ngezomhlobo ofanako.
Ukufuya ngokubuthelela endaweni eyodwa kuyindlela ehle nawuthengisa ukuze kube nenzuzo yokukhulisa iintenetjha. Nangabe iinlwanezo zingezezinga eliphezulu, intengo encono ingabekwa lokha nazithengiswa ngobunengi kuthengiselwa abafuyi abasathomako.
Imaraga yesikhumba nayo idinga bonyana zifane ukwenzela bonyana intengo ibephezulu. Umfuyi okhiqiza iinkhumba ezikhambelanako angaba ngowemkhiqizo ethandwa khulu nofana athengise zeenkhumba ezifanako ukwenzela intengo ephezulu ukudlula lezo ezingakhambelaniko nezingafaniko. Ziintenetjha ezizalwa mhlobo owodwa ezingaqinisekisa ukufanokhu.

Iintenetjha Ezikhuliselwa Umkhiqizo Wenyama

Ngaphambi kobana ukhethe umhlobo, tjheja iindlela zokufuya ezilungele khulu iinfuno zakho. Nawuqale ukukhiqiza iintenetjha ngehloso yesitjhebo nokuthi zidliwe mphakathi, zidla khulu ukudla oquqinileko, lokhu akusiyo indlela ekhetheka lula.

New Zealand Whites

I-New Zealand Whites ikhombisile bonyana ikhamba phambili ngokungatjhuguluki kanengi ekukhiqizeni inyama. Zilungele khulu iindlela zokufuyela umkhiqizo wokurhweba. Zibazali abahle begodu zingakhulisa amadzinyana angaba ma-5 ukuya kabu-8 ngesikhathi sinye ukuyela amahlandla angaba abu-8 ngonyaka, nazifuyelwe ngaphasi kobujamo obulungileko. Indlela le yokufuya ufuna izinga eliphezulu lokukhiqizela ukurhweba iintenetjha zamaphalede amanengi. Umhlambi omcani ulungela ukungahlatjwa nawuneemveke ezili-10 ukuya kezili-14 zobudala begodu zikhiziqa inani eliphasi loboya nofana isikhumba.

New Zealand Reds

©Judy Stuart

I-New Zealand Red inesikhumba esinoboya obunothileko obubovu, sitshwaya khulu imibala yenyamazana ebizwa nge-Impala. Zikghona ukujayela lula umhlobo wokudla oqinileko begodu zibuthaka ngezinga lomkhiqizo. Ezisikazi zikghona ukuzala amadzinyana angaba mahlanu ukuya kabunane ngesikhathi sinye begodu ngonyaka ingazala amahlandla alinganiselwa kamane. Ezincani zingaphiwa amabele nofana ukudla kweentenetjha, kodwana khulukhulu imirorho kanye notjani bezinga elihle. Zilungela ukungahlatjwa emvekeni ezili-16 zobudala begodu zikhiqiza uboya obusezingeni elihle.

Chinchilla Gigantas

©Judy Stuart

I-Chinchilla Giganta zimhlobo weenlwani ezikhula buthaka, zilungele khulu ukudla okuqinileko begodu zaziwa nangokukhiqiza amadzinyana amanengi. Zinombala omlotha begodu zikhiqiza uboya bezinga eliphezulu nazihlatjiweko nasele isikhumba sedzinyana sijanyiselwe ngaleso sezidala.

Californians

Lo ngomunye wemihlobo ekhamba phambili ekufuyelweni ukurhweba, zifuywa khulu enarheni ye-USA ukurhwebela umkhiqizo wenyama. Zineendingo ezifanako nezewe-New Zealand White begodu zikhiqiza uboya obumhlophe.

Cinnamons

©Judy Stuart

I-Cinnamons zilungele khulu ukudla okuqinileko begodu ulula khulu ukuwulawula nokuwutlhogomela. Zinoboya obunomthunzana, umthunzi obovu ukuyela emahleni wekosa inyama emahlangothi.

Translated by Johannes Nkosinathi