Anjani nawuwacalileko?
Imihlobo le yeenunwana ezimunya iingazi, ingaba bovu, zotho nofana ibe nzima ngombala, kuya ngomhlobawo. Amakhulu aba yi-1.5mm ukuya ku-4mm ngobude, asipara begodu anemilenze yemuva emide alisiza bonyana likhambe lula lapho lihlala khona.
Asikazi abekela amaqanda angaba likhulu ngelanga, lapho ahlala khona nofana hlangana namaphadlhuka nofana emagazukweni aseduze nalapho aphila khona. Ngaphasi kobujamo obuwalungeleko, ukubekela kwelisikazi kungenzeka bekube ziinyanga ezimbalwa.
Amadzinyanawo azimbungu angathatha amalanga amabili kwaphela bonyana aphandlusele emaqandeni. Aphila ngokudla ingazi elinothileko elisethuvini walawo amakhulu begodu nezinye izinto ezonakalako nofana eziphilako. Kumhlobo ophila ngokuzifihla, kanengi atholakala hlangana namaphadlhuko nalapho akghona ukwenza iindleke zawo.
Kuneengaba zawo zokukhula ezintathu nezingathatha amalanga aphakathi kalithoba ukuya kali-200 ukuthi ziphele, nakhona kuya ngobujamo bezulu. Isibungwana setsetse esele sikhule ngokwaneleko liba yi-6mm lokha sizitjhulula sibe ngaphakathi kweqetjhana kuthi ngokukhamba kwesikhathi liphenduke libonakale njenge-pupae.
Isigaba se-pupae singathatha amalanga angaba likhomba ukuya kama-21 ukuthi siphelele. Iingaba zoke zokuphila zingaphetheka ngeenyanga ezingaba li-18 ukuyela kezimbalwa. I-Stick tight flea, aziwa nangokuthi yi-stickfast flea, avamise ukutholakala eenkukhwini ezifuyelwe inyama, kodwana akatjhagali lapho atholakala khona, anjalo nje ayakakarela nesikhumbeni sezinja, abokatsu, abantu nezinye iinlwani.
Asikazi emba isikhambu salapho abambele khona, ukufikela lapho umhlanawo kugcina kubonakala wona kwaphela. Anjalo nje kunzima ukuwasuka, nangemva kokuthi afe, nje-ke avamise ukuhlangahlanganiswa nemikhaza. Abanga ukuluma okubuhlungu nokuvame bonyana atshwayele. Amatsetse angabonaka emehlweni avulekileko, azwana nokubambela esidlhogoriyaneni seenkukhu namagega namehlo weenkukhu.
Amatshwayo weentjhabalalisi?
Amatshwayo wokwanda kweentjhabalalisezi angafaka hlangana ukuzinghwaya nokuzithintitha kanye nokubonakala kwamacatjhazana magega namehlo nesidlhogoriyaneni. Iinkukhu zingehla emzimbeni begodu zibe namabala eensibeni. Isidlhogoriyana sazo singabonakala sibuthakathaka.Translated by Johannes Nkosinathi