Gaste by Simbambili kan ook ’n opsionele besoek aan die Shangaan of Nyani Kulturele Gemeenskappe, om meer van hulle kultuur en gewoontes te leer, bring.
Wildritte
Hierdie privaat reservaat het omtrent 147 soogdierspesies, insluitend die Groot 5, 114 reptielspesies, 507 voëlspesies, 49 visspesies, 34 amfibiese spesies en 336 boomspesies. Wildritte is twee keer ’n dag met ’n 4x4 safarivoertuig en slegs 4 tot 6 gaste.
As gevolg van hierdie kleiner groepies is daar meer tyd om vrae te vra oor die diere wat teëgekom word. Die laatmiddag wildrit ry net na ’n laat middagete en strek tot vroegaand. Dit gee gaste ’n kans om die nagdiere soos rooikatte, sivetkatte en selfs as jy gelukkig is die grootoog nagapies te sien.
Stapsafari
Probeer om nie die daaglikse stap in die bos te mis nie, niks kom by die rustige wandel in ’n veld met skoenlappers oral of die nadere kennismaking met die kleiner diere van die omgewing nie.
Die Shangaan spoorsnyers sal aan jou verduidelik hoe om ’n dier deur sy spore en mis op te spoor. Jy sal van die medisinale gebruike van die verskillende plante en bome leer asook interessante folklore stories hoor.
Kultuur en Gemeenskap Ervarings
Simbambili is deel van die Thornybush Gemeenskapsprojek tuine waar die heerlike vars kos wat in Sabi Sand lodges bedien word, deur plaaslike vroue as deel van ’n gemeenskapsprojek verbou word. Daar is ook ’n besoek aan Hananani Primêre en Manyangana Hoërskool, albei word deur Simbambili ondersteun.