Die Madikwe River Lodge se gidse het interessante stories van die habitat en gedrag van alle soogdiere, insekte, bome en plante.
Wildkyk
Nie alle wildtuin besoekers wat vir die eerste keer op safari gaan besef dat daar baie meer is om te sien en te verken as die Groot 5 nie. Dit beteken dat ’n wildrit of stapsafari volgepak is met fassinerende inligting, besigtiging van die Groot 5 en dalk die wildehond of jagluiperd. Wildehonde, wat gewoonlik redelik skaars is, kan hoogs waarskynlik hier gesien word.
Hierdie wildehonde was ’n belangrike deel van Operasie Phoenix, waar wild in die voorheen onvrugbare landerye hervestig is. Dit is ’n fassinerende spesie met ’n streng hiërargie in die trop. As jy gelukkig is kan die jagluiperd ook gesien word, maar moenie die verskillende boksoorte, uitgebreide voëllewe en ’n magdom kleiner soogdiere oor die hoof sien nie. Voëlkyk kan baie insiggewend wees met ’n gids wat ’n uitgebreide kennis van hul gewoontes en habitat het.