By Buffalo Ridge Safari Lodge neem plaaslike gidse jou twee keer per dag op ’n wildrit en is gretig om gaste van die omgewing waar hulle grootgeword het te leer.
Wildkyk
Met die stories wat hulle vertel van die diere wat hierdie gedeelte van die Madikwe Wildreservaat besoek maak hulle die bos meer betowerend. Jy sal hier ’n groot verskeidenheid wild insluitend die Groot 5 vind. Die verskeie voëls is enige voëlkyker se droom met roofvoëls soos die Breëkoparend, Visarend, Sekretarisvoël en die Bleeksingvalk. Die Gevlekte ooruil asook die Witkoluil is algemeen hier.
Geen twee wildritte is dieselfde nie. Wat op die oggendrit gesien word verskil van wat op die wildrit saans gesien word. Die nagdiere wat bedags wegkruip se oë word dikwels in die kollig van die safarivoertuig raakgesien. Die wild wat dalk gesien kan word sluit buffel en olifant troppe asook die leeu, luiperd, swart- en witrenoster, jagluiperd, gevlekte hiëna, sebra, kameelperd en ’n verskeidenheid wildsbokke in.