Die Amakhala Wildreservaat is in die malaria-vrye Oos-Kaap streek geleë en is die tuiste van verskeie diere, insluitend die Groot Vyf, jagluiped, sebra, swartwildebees en baie bokke.
Wildbesigtiging
Wildbesigtigingsritte word twee keer per dag onderneem by hierdie luukse lodge in die Amakhala Wildreservaat. Oop 4x4-voertuie verseker ’n outentieke safari ervaring en bied jou ononderbroke uitsigte oor die veld en ongelooflike fotografiese geleenthede.
By die Bush Lodge at Amakhala kan jy meer as net die traditionele gids-geleide wildbesigtigingsritte geniet. Jy kan ook deelneem aan ’n verskeidenheid voëlkyk aktiwiteite of een van die onderskeie wandelpaaie op die reservaat ontdek met ’n stap safari.
Jy het ook die opsie om die skone omgewing vanaf ’n ongewone uitsigpunt te aanskou, met ’n bootrit of kanoe avontuur saam met een van die ervare gidse wat jou sal vergesel.
Bos Etes
Die Bush Lodge at Amakhala bied ’n luukse eet ervaring in ware Afrika styl aan. Ontbyt, middagete en aandete word liefdevol voorberei en elke dis sal ’n fynproewers geleentheid wees. Plaaslike gunstelinge word in die buitelug boma bedien, onder ’n kombers van sterre. Aandetes beloof ’n onvergeetlike bos ervaring.
Vegetariese maaltye en enige ander spesiale dieët voorkeure kan na omgesien word met voorafgaande reëlings. Die gelisensieerde kroeg bedien ’n verskeidenheid plaaslike en ingevoerde wyne, bier en sterker drankies.