Vho-Mandela muPrisidenthe ane ra Mufunesa nga Raymond Louw

© Eric Miller

Vho-Madiba vho Ambara Tshikhipha tsha Springbok

Zwi a mangadza zwe vho-Mandela vha vha swina ḽihulu ḽa tshitshavha kha muhumbulo wa vhaṅwe vha dovha vha ya vha vha muthu ane afhedza o vha muprisidenthe washu ane na vha tshena vha mufuna. Zwo vha zwi songo leluwa ngauri vho vha vho ambara na tshikhipha tsha Springbok musi hu tshi khou tambiwa makhaula tshele e aḓo ita uri Afrika Tshipembe hu vhe yone yo dzhiaho cup ya ḽifhasi kha muṱaṱisano u konḓaho vhukuma.

Munna ane aḓi vhudza uri ene u wela kha tshigwada tsha ndeme tsha AWB (Afrikaner Weerstandsbeweging kana Afrikaner Resistance Movement) a founela kha radio ya radio 702 nga musumbuluwo u tevhelaho ari thikhedzo ine ya khou bva kha muprisidenthe ya Springboks yo fuṅwa nga vhanzhi na kha ene zwine o lwa mafhelo avhege oṱhe na lutendo lwawe naho zworalo u vhona uri zwa khwiṋe ndi u ḓi rula mushumo.

Fhedzi ho vha hu si ṅwambo wa uri vho-Mandela vho ḓo ya stadium tsha Ellis Park vho ambara na tshikhipha tshavho tsho ṅwaliwaho 6 nga murahu (6 ndi nomboro ya Captain ya Springbok - Francois Pienaar) ho vha hu mafhungo a thikhedzo ine avha nayo kha team.

Vho vha vha tshi kona u founela vha Springbok tshifhinga tshoṱhe vha tshi khou ya u tamba vha vha tamela mashudu. Vho isa phanḓa na u amba uri tswayo ya Springbok u vhuyedzedzwe hu sina ndavha uri vhunzhi ha vhathu vhatsu vha i dzhia u mutambo une wa vha na khethululano nga muvhala.

U Kwamiwa zwine zwa Shandukisa

Miṱangano yavho minzhi ye vha ḓo vha nayo na mulwela mbofholowo vho Vijoen vha tshi khou amba nga mafhungo a Volkstaat o dzhenela kha u kona havho u ḓiimisa na mavhuru na miṱangano yavho na vhathu vha mavhuru vha zwa vhulimi uri vha kone u amba navho nga mathada ane vha vha nao.

Naho madalo ovha a ndeme vho vha vha si khou tou humisa zwavhuḓi zwithu zwavho zwa vhuvhuru havho zwo itwa nga u kona u amba havhuḓi na usa fhela maanḓa na nḓila yo khetheaho ya u tandulula mathada.

Translated by Khalirendwe Nekhavhambe