Nelson Mandela – President wa Xirhandzwa hi Raymond Louw

© Eric Miller

Madiba a mbale jesi ra Springbok

Iswa xiyimo xale henhla hindlela leyi Nelson Mandela anga cinciwa hikona eka miehleketo ya vanhu kusuka eka Public Enemy No 1 kuya eka xirhandzwa lexi axi tekiwa tani hi "our President" hi ma Afrika Dzonga yotala, hambi kuri valungu lava avan’wi zondile himbilu na moya. Akungari hikuva a ambale jesi ya Springbok eka ntlangu wohetelela, laha Afrika Dzonga ringa wina World Cup loko ringhenele rosungula eka mphikizano lowu leswi vukona byayena byinga tisa kucinca lokukulu.

Xirho lexi axitivika tani hi xirho xa AWB (Afrikaner Weerstandsbeweging or Afrikaner Resistance Movement) u fonele xitichi xa radio, Radio 702, hi musumbhunuko lowu landzelaka laha anga vula leswaku nseketelo wa President eka ti Springboks switise ku cinca lokukulu swinene naswona swiendle leswaku xirho lexi xilwa na matitwelo ya xona laha xinga vuya xitshika ntirho eka vandla leri.

Kambe akungari vukona bya President ntsena e Ellis Park loyi a ambale rihlaza na nsuku ra nomboro 6 endzhaku (leyi akuri nomboro ya kapiteni ya Springbok Francois Pienaar), iakuri nseketelo wayena lowukulu eka xipano xa rixaka. U fonerile xipano lexi xati Springboks eka minkarhi yotala kuva navelela leswinene.

U tlhele a kombela rixaka leswaku mfungho wa ti Springbok wunga cinciwi, hambi leswi vantima votala avanga switsakeli no hlamusela leswaku mfungho lowu wufambelana swinene na nkarhi w axihlawuhlawu nakona avatsakela leswaku xicinciwa ku vekeriwa bilomu ra Protea.

Ku khumbiwa hi masalamusi wa Madiba

Tinhlengeletano totala ni murhangeri wa Freedom Front Constand Viljoen ehenhleni ka mhaka ya Volkstaat swihoxe xandla eka kuva a yima na ma Afrikaners xikanwe na tin’wana tinhlengeletano na ti yuniyoni ta swavurimi ku burisana na vona hi swiphiqo swavona.

Hambi leswi swivumbeko leswi aswikombiwa aswiri na nkoka swinene, leswi aswinga vuli nchumu eka kuhundzuluxiwa ka xiyimo xa yena eka ma Afrikaners. Leswi aswi endliwa ngopfu hikokwalaho ka charm ya yena, vumunhu xikan’we na kulehisa mbilu, kambe leswikulu akuri ku khumbiwa hi masalamusi yakwe.

Translated by Ike Ngobeni