Side-striped Jackal
Phungubye

© Shem Compion

Vito

Phungubye [Canis adustus]

Xivumbeko

Phungubye I xihadyani lexi tiphinaka kahle navusiku, xifana na mbyana xidya nyama, laha nhloko na miri swinga pimiwa kwalomu ka 650-800 mm hiku leha na ncila wa 300-400 mm. Laha makatleni xilehe 400- 500 mm, ntiko wa 7-12 kg. Tani hi leswi yikalaka noka yinga tali ku voniwa, phungubye leyi ya milayeni laha matlhelo yikulu loko yipimanisiwa na leya ntima laha nhlaneni.

Muhlovo wayona iwa mpunwa yitlhela yi dzwihala laha nhlaneni yitlhela yiva na mavala yo basa laha rimbambyini ra yona na ka ntima emakumu. Ncila wa yona lowo dzwihala wuna vala robasa emakumu, kasi tindleve natona tidzwiharile hi muhlovo.

Swakudya

Kuhumelela ka xona tani hi xihadyani lexi dyaka nyama na mihandzu swikotiwa hikuva xikota kuhanya eka swiyimo swotala swambango laha kungana swakudya swohambanahambana, kuva xicinca leswi xiswidyaka swivangiwa hi xiyimo lexi xitikumaka xiri eka xona. Swakudya swaxona swikatsa swikokovi na swihadyani leswi mamisaka, nyama yo bola, mihandzu, swinyenyani na matandza. Jakalasi leyi ya mavala laha tlhelo ayi dlawi hi swihari kuloni kufana na phungubye leya ntima laha nhlaneni.

Kutswalana

Timhaka ta masangu tihumelela ngopfu exikarhi ka June na July, kambe minkarhi yinwani swihumelela nkarhi wihi na wihi wa lembe. Endzhaku ko biha emirini kuringana 57-64 wa masiku, vana va mune kuya eka ntsevu hi August na November. Mpfuneto wokurisa vana Phungubye yiwukuma eka vana lava yingava tswala eka lembe lerihundzeke, leswi swivula leswaku vana vayona vakota kuhlayisa vamakwenu.

Switshuka leswinga ceriwa na minkele leyinga ceriwa hi tinguluve switirhisiwa tani hi kaya ra swona. Vatswari hinkwavo vapfunana kulavela vana swakudya laha va cincanaka kuya lavela vana swakudya.

Mahanyelo

Himinkari yo endla vana nuna nansati vatshama vari ekusuhi nakusuhi. Lexi ahi xiharhi lexi rhandzaka ku langha ndzhawu yotshama kumbe kuti komba vunwinyi bya yona kambe xititshamela na vavasati vaxona votala na vana. Eku heteleleni, vana vakona vahetelela vahangalaka kuya kuma tindzhawu totshama eka tona. Muhlovo lowu wa Phungubye wushama laha kunga pfuleka swinene.

Laha xikumekaka kona

Laha Afrika Dzonga Jakalasi leyi yikumeka kusuka e KwaZulu-Natal kuya Mpumalanga, Limpopo na Swaziland.

Swo switiva

Phungubye leyi ya mavala yidya mihandzu hi nguva ya mihandzu kasi eka tinguva letinwana yidya sweswi yiswikumaka Phungubye leyi ayi dyi swiharhi leswikulu kufana na leya ntima leswi endlaka ku yingavi ya khombo eka van’wamapurasi.