Sauvignon Blanc

© Glenneis Kriel

Nhlamuselo

Sauvignon blanc yi humelerisa wayeni yo basa leyingana nantswo wa rihlaza ro hlawuleka xikanwe na yinwana. Vito ra yona rivula leswaku “wild white” hiririmi ra xi French naswona nsinya wakona kutshembiwa leswaku wuta kusuka eka ndyangu wa xikhale wa Traminer. Lowu hiwunwani wa leyi byariwaka swinene laha misaveni.

Ntumbuluko

Nsinya lowu wu tumbuluke kumbe kubyariwa etikweni ra Furwa/France kusuka hiva 18th Century laha wutlhelaka wutiveka hikuva eka tiwayeni tale Bordeaux nale Loire Valley.

Mavito Yanwana

Yitiveka tani hi Feigentraube e Germany, Muskat Silvaner e Austria, Fumé Blanc e United States, Sauvignon e Cyprus, Portugal, Italy, Czech Republic, Slovakia nale Slovania nale Sauvignon Gros e Romania.

Kuhumelerisiwa e Afrika Dzonga

Aswitiveki kahle leswaku Sauvignon blanc yinghene rini laha tikweni ra Afrika Dzonga, kambe wubyariwile e Groot Constantia hi malembe yava 1880s. Kuva kunga byariwi kahle eka minsinya leyi swiendle leswaku masimu yanwana yatsuvuleriwa eka malembe yava 1940s.

Yitlhele yivuya hi xidumo nakambe hiva 1970s, laha swimilani leswi aswipfumala switsongwatsongwana swive kona kusuka eka Agricultural Research Centre e Nietvoorbij. Namuntlha, i wunwana wa leya ntlhanu leyi byariwaka swinene laha tikweni.

Tindhawu ta Vuhumelerisi

Swimilani swakona swikota kuva swihanya kahle eka misava leyinga eka maxelo lawa ya titmelaka. Wayeni leyi yihumelerisiwa eka tindhawu hinkwato leti humelerisaka wayeni laha tikweni laha Afrika Dzonga, laha Stellenbosch yifambaka emahlweni eka vuhumelerisi, kulandzela Robertson, Swartland na Worcester. Hiyona yibyariwaka ngopfu e Cape South Coast.

Kukula

Nsinya wakona awukulangi ngopfu, laha hintolovelo wufikaka eka 9 t/ha to 13 t/ha.

Ku Vupfa

Madiriva yakona ya vupfa kusuka emasunguleni yale xikarhi ka nguva, leswivulaka leswaku hile xikarhi ka February.

Mihandzu

Mihandzu yakona iya rihlaza leriyaka eka xitshopani, ayikulangi ngopfu yiva na xivumbeko xa tandza. Nhlonge yakona yilarile no vevuka laha endzeni yangana mati lawa yangana nantswo.

Matluka

Matluka yakona iya rihlaza ro dzwihala, aya kulanga ngopfu, iya xirhendzevutani ya tlhela yava na swiphemu swantlhanu.

Switsotswana na Mavabyi

Minsinya leyi yakondelela nyana eka downy mildew na powdery mildew. Yi hluphiwa swinene hi botrytis, ngopfu ngopfu eka misava leyinga tala swakudya. Yitlhela yikarhatiwa swinene hi maxelo yotitimela ngopfu ngopfu loko switshunelela eka ku kula ka yona.

Switirhisiwa

Tiwayeni totala ta Sauvignon blanc atipfaleriwi emadironwini. Kukatsiwa na Sémillon hileswi talaka ku endliwa masiku lawa. Sauvignon blanc leyi hlaseriweke hi botrytis yitirhisiwa kuhumelerisa wayeni ya Noble Late Harvest.

Nantswo

Sauvignon blanc leyi humelerisiweke ehansi ka maxelo yo kufumela yitala kuhumesa tiwayeni ta minantswo ya tropical na yellow fruit, kasi leyi humaka ehansi ka maxelo yotitimela yihumesa wayeni leyingana nantswo wa swipayisisi na mintsembyana yofana na byasi, asparagus na green figs.

Translated by Ike Ngobeni