Ku Languta Rihanyo ra Tinguluve

©Glenneis Kriel
Xankoka hiku lawula rihanyo ra tinguluve iku kuma swiphiqo na mavabyi loko yanga se nyanya. Ku endla leswi, van’wamapurasi vafanele ku hambanyisa eka mahenyelo ya ntolovelo na yoka yanga tolovelekangi na swikoweto swa mavabyi. Hileswi swin’wana ku swilanguta.

Swivumbiwa Swohanyeka

©Glenneis Kriel
Tinguluve i swivumbiwa swohanyeka swinene. E hansi ka swiyimo swantolovelo, ta tlanga, ti rhandza kutiva naswona titirhisana tani hintlawa. Tita komba kutsakela loko munhu anghena laha tinga kona naku khumbheka loko titwa huwa hikuva tilanguta laha mpfumawulo wuhumaka kona. Loko tivabya, tinga suka laha kungana ntlawa, ti loloha xikan’we naku pfumala matimba. Titlhela ti tsan’wiwa hitinguluve letin’wana, leswi hetelelaka swi endla leswaku ticinca mintlawa.

Ku Famba Famba

©Glenneis Kriel
Tinguluve tifanele kufamba famba kahle. Tinguluve titi susa ekamintlawa, tipfumala vutomi na matimba, titikeriwa ku famba, titikeriwa ku pfuka kumbe titshama eka ndzhawu yin’we hiswin’wana swa swikoweto swaleswaku kuna leswinga hoxeka.

Tindleve, Matihlo na Nhompfu

Xikandza xifanele kuva xibasile xingari na malanga ematihlweni. Matihlo lawa yanga tsana, tindleve letinga wa tikomba e hansi swinga kombeta leswaku nguluve ayi pfukangi kahle. Kuhuma marhimila lawa yanga muhlovo lowu vonikelaka, yangariki na thyaka kumbe ngati.

Dzovo

Dzovo rifanele kuva leri hatimaka naku languteka yi hanye kahle. Tinguluve ta ntima na ta mihlovo hlovo tina voya byo tsindziyela, kasi leti ta manguva lawa to basa tina voya byintsongo lebyi etlelaka. Voya lebyi tlakukaka, byinga hatimi kumbe kuva na swipatsu hinkwaswo swaleswaku swin’wana swihoxekile.

Nhlonge

©National Pork Board and the Pork Checkoff, Des Moines, IA, USA
Nhlonge yifanele kuva yi basile yingari na swilondza, swipatsu swa mihlovohlovo xikan’we naku bubumbula. Kuya hi tsalwa mayelana na tinguluve Recognising disease on the farm, kuva na makumu ya wasi swinga fambela naku khomiwa hi mavabyi, ti bacteria septicaemia, a toxicity, acute mastitis, metritis, acute pneumonia na mavabyi yan’wana yohambana hambana. Eka tinguluve ta mihlovo yobasa tivonaka hi mafela ngati eka nhlonge leswi kombaka leswaku kungava na mavabyi kumbe ku hlaseriwa.

Mahefemulelo

Nguluve leyinga hanya kahle yita hefemula kahle hiku olova. Mahefemulelo ya kahleeka tinguluve yaya hi malembe ya yona: Mahefemulelo ya xingulubyani lexi hanyeke kahle yangava kwalomu ka 50 kuya eka 60 hi minete, lexi xahaku lumuriwaka xiva exikarhi ka 25 kuya eka 40 hi minete kasi leyikulu yihefemula kwalomu ka 13 kuya eka 18 hi minete.

Ku ba Kambilu

Mabelo yambilu ya ntolovelo ya mbilu eka nguluve leyinga kula yale ka 65 kuya ka 80 hi minete naswona ehansi ka 180 eka swingulubyana.

Mahiselo ya Miri

Mahiselo yantolovelo ya miri wa nguluve wule exikarhi ka 38,5 na 39 Degrees Celsius. Nguluve leyingana mahiselo yale henhla ka 41 degrees Celsius kumbe yale hansi ka 37 degrees Celsius swikomba leswaku ya vabya swinene. Swin’wana swihoxekile loko u vona nguluve yi rhurhumela.

Kunavela Swakudya

©Glenneis Kriel
Swin’wana swi hoxekile loko nguluve yinga tsakeli swakudya.

Ku Humesa Thyaka

©Glenneis Kriel
Kufanele kuva na masi yoringanela ya xingulubyana xin’wana na xin’wana, leswivulaka leswaku xingulubyani xin’wana na xin’wana xifanele kuva xitsakile. Kutava kuri na leswinga hoxeka loko vele ra nguluve ritsindziyerile naku pfimba, loko yinga humesi masi yoringanela kumbe yanga ringanelanga swiendla leswaku swingulubyana swifa.

Nkhuluko wa Masi

©National Pork Board and the Pork Checkoff, Des Moines, IA, USA
Kufanele kuva na masi yoringanela ya xingulubyana xin’wana na xin’wana, leswivulaka leswaku xingulubyani xin’wana na xin’wana xifanele kuva xitsakile. Kutava kuri na leswinga hoxeka loko vele ra nguluve ritsindziyerile naku pfimba, loko yinga humesi masi yoringanela kumbe yanga ringanelanga swiendla leswaku swingulubyana swifa.

Ku Nuheta

Ringeta ku nuheta kukuma swiphiqo, kufana na loko moya wynga hungi kahle, moya wuri henhla kumbe wuri naku tsakama nyana, ku nuha kubiha kumbe swiharhi leswinga lova. Leswi swinga tsakiseki munhu swiboheka kuva swinga tsakisi tinguluve.

Translated by Ike Ngobeni