Chenin Blanc

© Glenneis Kriel

Nhlamuselo

Chenin blanc i wayeni yobasa leyi tirhisiwaka kuhumelerisa yiwayeni tohambana hambana ku fana nati table wines, sparkling wines nati fortified wines, to tanihi port, sherry na brandy. Leyi hi yinwani ya madiriva ya wayeni lawa byariwaka ngopfu laha tikweni nkulu ra Afrika Dzonga. Vulavisisi bya DNA byihlamusela leswaku Savignin hiyona mhani wa kona. Kasi loko kuri mutswari lowunwana angase tiveka.

Ntumbuluko

Chenin blanc yina timintsu leti sukelaka e Anjou-Touraine kunga ndzhawu leyikumekaka e France. Muxaka lowu khale awutiviwa tanihi Chènere, kambe vito leri rivuye ricinciwa eka malembe yava 15th century kuya eka Chenin blanc, leri sukelaka eka ntshava leyinga, Mont Chenin.

Mavito Yanwani

Franc-blanc, Franche, Pineau, Pineau de la Loir na Pinot Blanco. Kasi laha Afrika Dzonga yaha tiveka tani hi Steen.

Vuhumelerisi e Afrika Dzonga

Chenin blanc yi tekiwa tani hiyinwana ya leti tinga sungula kufika ema purasini yale Cape himinkarhi yava Jan van Riebeeck.

Kusukela khale yivitaniwa Steen nakuva kutlhela kutshembiwa leswaku hiyona yo hlawuleka eka tiwayeni ta Afrika Dzonga eka muxaka waChenin blanc, kufikela exikalrhi ka malembe yava 1960s loko professor CJ Orfer, loyi ari nhloko ya Viticulture e yunivhesithi ya Stellenbosch, loyi handle ko kanakana anga tiyisisa leswaku himpela hiyona Chenin blanc.

Kuve na swivangelo swo hambana hambana leswinyikiweke swaleswaku hikokwalaho ka yini ma Afrika Dzonga vayi vitana Steen. Mu- Governor Simon van der Stel, nayena, a ehleketa leswaku madiriva lawa ya tumbulukaka eGerman ya pimanyisiwa na khwalithi ya tiwayeni taGerman Stein.

Nhlamuselo yinwana akuri leswaku yive yona leyi mabunu ava tshembhe yona “hoeksteen” tani hi wayeni yotshembheka yalaha Afrika Dzonga hikwalaho ka ku anama no kondzelela ka yona.

Tindhawu ta Vuhumelerisi

Yi byariwa hinkwako laha kuhumelerisiwaka ti wayeni laha tikweni ra Afrika Dzonga, laha yihumelrisiwaka ngopfu e Breedekloof, Olifants River, Paarl, Swartland nale Worcester.

Kukula

Minsinya yakona ayikuli ngopfu, laha hintolovelo yifikaka eka 22t/ha kuya eka 23t/ha.

Ku Vupfa

Madiriva yakona yahatlisa ku vupfa exikarhi ka nguva, kwalomuya ka xiphemu xavumbirhi xa February.

Mihandzu

Mihandzu yakona iyi ntsongo, yiva na xivumbeko xa tandza naswona yiva na muhlovo wosuka eka rihlaza kuya eka xitshopani. Nhlonge yakona yilarile no vevuka. Leswale ndzeni swina mati yotsokombela swonghazi.

Matluka

Matluka ayakulangi ngopfu, iya xirhendzevutani yatlhela yava na swiphemu swinharhu naswona yina muhlovo wa rihlaza wodzwihala.

Switsotswana na Mavabyi

Minsinya yakona yi chava ngopfu botrytis, sour rot, powdery mildew na downy mildew. Kuva yi hatla yihluka matluka swiendla leswaku yihlaseriwa swinene hi xirhami lexi vaka kona hi ximunwana.

Switirhisiwa

Yitiviwa kuva yiri yo tirha swinene ya Afrika Dzonga hikuva yitirhisiwa kuva yi humelerisa ti wayeni ta natural dry kuya eka natural sweet white table wines, sparkling, dessert nati fortified wines. Yitlhela yitirhisiwa ku katsakanya loko kuhumelerisiwa tinwana tiwayeni. Tiko ra Afrika Dzonga ritiveka hikuva muhumelerisi lonkulu wa wayeni ya khwalithi ya Chenin blanc emisaveni hinkwayo.

Nantswo

Va nwamapurasi vale tindzhawini leti nga hola kufana na Elgin, vatala ku humelerisa ti wayeni letinga vekiwiki ema khuwanini ta Chenin blanc leti tinga na muhlovo wa lime green na nantswo wa mihandzu. Kasi vanwamapurasi vale tindzhawini leti kufumelaka kufana naleStellenbosch nale Franschoek, vatala kuhumelerisa ti wayeni leti vekiwaka eka makhuwani letingana muhlovo wa nsuku na minantswo yo tsokombela.Translated by Ike Ngobeni