Chenin Blanc

© Glenneis Kriel

Inchazelo

iChenin blanc yinhlobo yewayini lemhlophe lesetjentiswa nakwakhiwa noma kukhicitwa emawayini asematafuleni, emawayini lanetinhlase kanye nemawayini ekucinisa, njenge port, isherry kanye nebrandy. Yinhlobo yemagilebisi eliwayini lehlanyelwa kakhulu la Ningizimu Afrika. Labachaza iDNA bachaze iSavignin njengayinye yebatali. Inchazelo yalolomunye umtali ayatiwa noma ayikabonwa.

Lapho Avela Khona

Le Chenin blacn inemvelaphi yayo lese Anjou-Touraine endzaweni lese France. Lenanhlobo beyatiwa ngekutsi yi Che’nere, kepha leligama laguculwa ngeminyaka wasendvulo welishumi nesihlanu labitwa ngekutsi yi Chenin blanc, kulandzela intsaba yasesigodzini noma esifundzeni, iMont Chenin.

Lamanye Emagama

Yi Franc-blanc, Franche, Pineau e la Loir kanye ne Pinot Blanco. La Ningizimu Afrika kusashiwo ngalesinye sikhatsi kutsi yi Steen.

Kukhicitwa Kwayo la Ningizimu Afrika

Le Chenin blanc kwatiwa kutsi ibesemkhatsini wemavini lasihlanu lajutjiwe kwentela kufika la Cape ngesikhatsi se Jan van Riebeeck.

Kadzeni kwakutsiwa yi Steen phindze kwatiwa kutsi nguyona ihlukile la Ningizimu Afrika ye Chenin blanc, kwaze kwabasikhatsi semnyaka wa 1960 ngesikhatsi Phrofesa CJ Orfer, lobekayinhloko ye Viticulture eNyuvesi eStellenbosch,leyasungulwa, ngaphandle kwekungabata, lokutsi yi Chenin blanc. Tizatfu letinengi letivetwako kutsi yini bantfu baseNingizimu Afrika babite luhlavu nge Steen.

Longu Governor Simon van der Stel, njeyeba yedvwa, wacabanga kutsi emagilebisi lekwatiwa kutsi aseJalimane ngemvelo waphindze wawacudzanisa ngekutsi asetulu njengeliwayini le German Stein. Lenye inchazelo, kutsi lakha icorner stone noma ngesibhunu “hoeksteen” yelihlangotsi leliwayini la Ningizimu Afrika, ngenca yetinhlobonhlobo kanye netimo.

Tindzawo noma Tigodzi Tekukhicita

Ihlanyelwe etindzaweni tonkhe letikhicita liwayini kutotonkhe tigodzi talaNingizimu Afrika, netindzawo letinkhulu letingaphansi kwe Breedekloof, Umfula we Olifants, Paarl, Swartland kanye nase Worcester.

Kuhluma/Kukhula

Lamavini asemkhatsini kuya kubanemandla/umfutfo nakakhula, nekukhicita lokunelinani lemasimu lamashumi lamabili nakubili kuya kumashumi lamabili nakutsatfu.

Kuvutfwa

Lamagilebisi avutfwa ngesikhatsi lesisemkhatsini, kusuka ehhafini yesibili yenyanga yeNdlovana.

Emagungumence

Emagungumence mancane, asandingilizi phindze anelibala leliluhlata losamtfubi. Lesikhumba silula futsi sincama. Lenyama inemantana.

Emacembe

Lamacembe asemkhatsini ngelinani, ayindingilizi, asatindingilizi letintsatfu phindze aluhlata lotopele ngelibala.

Tilokatana Nemagciwane

Lamavini ayincelencele ku botrytis, amuncu sakubola, anemphushana kanye nemuhlwa. Kuphuma kwemagala ngekushesha kuwenta kutsi angavikeleki ngesikhatsi selintfwasahlobo.

Kusetjentiswa

Yetsiwe kutsi yi workhorse la Ningizimu Afrika, njengoba isetjentiswa ekwakheni liwayini lelomile kuya kulelinashukela lelimhlophe lasematafuleni, lelinetinhlase, lelinatfwa emva kwekudla kanye nelekucinisa. Liphindze lisetjentiswe ekuhlanganisweni nalamanye lahlukile. iNingizimu Afrika itsatfwa njengayinye lekhicita liwayini leChenin blanc lesetulu lamhlabeni.

Kuvelela/Kunambitsa

Balimi etindzaweni letipholile, letifana nase Elgin, bavama kukhokha liwayini leChenin blanc letetingodvo letiluhlata salilamula ngelibala netinhlobo tetitselo. Balimi etindzaweni noma etifundzeni letifutfumele kancane, letifana neStellenbosch kanye ne Franschoek, tivama kukhokha liwayini lelinetigodvo letinelibala leligolide kanye netinhlobo tetitselo.Translated by Phindile Malotana