Black Wildebeest
Hongonyi
Vito
Hongonyi (Connochaetes gnou)
Xivumbeko
Hongonyi leyi yantima yina muhlovo wa braweni lowu yaka eka kuntima yitlhela yiva na ncila woleha. Hinkwato taxinuna na ta xisati tina timhondzo letinga khotseka le mahlweni ka tona. Ya xinuna yi leha 1.2 wa timitara laha makatleni kasi yitika 161kg. Ya xisati yona yi leha 1.16 wa timitara emakatleni yitika 130kg. Timhondzo ta rhole rakona tiva taha lolokile kambe tiya tipetseka loko riva na nkaye wa tinhweti.
Swakudya
Lexi I xiharhi lexi tidyelaka swimilani kusuka eka mabyasi, minkarhi yinwani swihlahla na mintsembyani.
Mahanyelo
Muxaka lowu wa hongonyi wuna mitlawa yinharhu ya mintlhambi laha kungana leti rhandzaka kuva vinyi va ndzhawu, leto tsakela kutsakisa ta xisati na tingwhendza. Leta xinuna tivekana kuya hiku hambana ka mintlhambi leswaku tita kota kusirhelela letinwani. Kasi letinga kula ataha fambi na mintlhambi kambe ti famba toxe. Muxaka lowu wu komba swinene kutiyela eka tindzhawu tinwana laha swikombaka vuhlayiseki bya letinwani.
Vutshamo
Tani hiswidyi nkulu swa byasi tihongonyi tirhandza ndzhawu leyingana byasi yitlhela yipfuleka titlhela tifambela kule na ndzhawu leyingana byasi byo leha no tlhuma.
Laha yikumekaka kona
Hongonyi leyi yikumeka ngopfu laha Afrika Dzonga. Kuya hi matimu yikumeka laha kunga pfuleka kungana byasi kusuka e Northern Cape, Free State, khale ka Transvaal, vupela dyambu bya Lesotho, vupela dyambu bya Swaziland nale KwaZulu-Natal. Sweswi yahaku hangalaka nyana na tiko laha nhlayo yayona yinga kwalomu ka 1200 naswona ayi xungetiwi hinchumu.
Leswi faneleke kutiviwa
Tihongonyi tisusiwe ngopfu lomu ati kumeka kona ngopfu hikwalaho ka mapurasi leswi endlaka leswaku muxaka lowu wa hongonyi wukumeka emintangeni na lomu vanhu vanga tifuwela hi voxe. Tinwani tirhurhisiwile kuyisiwa ematikweni yanwana tani hi Kenya. Hambi leswi nhlayo yikulu yikumekaku exikarhi ka Afrika Dzonga.
