Ligama le sayensi: yi Apium grayeolens
Ligama lelijwayelwe: yi Celery, iSoup celery noma iceleriac
Inchazelo yekuYihlanyela
iCelery yemndeni we Apiaceae futsi ihlobene ne parsley, parsnips, coriander neticadzi. Ivela esigodzini se Mediterranean. Sitjalo se biennial kepha nawufuna sikhokhe lokusha silinywa siphindze sivunwe ngemnyako. Lesitjalo sikhula kusuka kusisekelo se bulbous noma enhlitiyweni lesemhlabeni kuya kunyandza yetinswati noma emapetioles alesitjalo lesigcina ngelihlatsi lelinemacembe lalula.Lama petioles noma tinswati talamacembe nguyonantfo ledliwako kule celery. Letitjalo te celery tivama kuvunwa umasetimashumi lamane kuya kumashumi lasihlanu emasentimitha ngekuya etulu. Lendlela yetimphandze te celery takhiwe nge taproot lene mass lekahle yetimphandze ngetulu kwemashumi lamabili emasentimitha ngaphansi kwemhlaba. Ivama kukhicita timbale tayo kanye netindumbu emnyakeni wesibili.
Kusetjentiswa
iCelery isetjentiswa kakhulu nakuvelwa emasuphu kanye netitjulo. Futsi iyadliwa iluhlata kanye nakumasaladi noma iphekwe njengesibhidvo. Lesitjalo se celery asinawo emavitamin noma emanutrients kantsi futsi iphansi ngema carbohydrates. Kakhulu yentiwe ngetintsambbo kanye nemanti ngako itsandvwa bantfu labafuna kwehlisa umtimba.Letindumbu te celery atibonakali kantsi futsi tisetjentiswa kuswayi kantsi futsi tetfwele oyili losetjentiswa kumakha kanye nakumitsi, lekubese kwelapha ekuveleni kwe uric acid engatini kwentela kwelapha sifo senyama lebovu, sifo sematsambo kanye ne rheumatism.
Tidzingo teSihlabatsi kanye Nemalungiselelo
iCelery yenta kahle esihlabatsini lesidvonseke kahle, selubumba nalesinematje lamancane netintfo letibolile kwentela kufutfumalisa emanutrition. Kudzinga iesidi yesihlaba lencane lene pH ya 6.0 kuya ku 6.5.Kumaviki lasitfupha ngaphambi kulinywe, hlanyela bese uyaphendvula lendzawo kwentela kutsi ilinywe kumbe emakhulu lasihlanu ema mm. Kulesikhatsi faka ilime umangabe idzingeka noma ngumuphi umcuba, manyolo, igypsum ne superphosphates. Umangabe inhlanyelo levaleke ngalokuluhlata seyike yahlanyelwa, loku kuyajutjwa bese kuyalinywa kulomhlaba ngesikhatsi lesifanako.
Liviki linye ngaphambi kwekulima icelery, lima lendzawo uphindze uhhalige kwentela kulungiselela lendzawo. Loku nako kuphindze kususe noma nguliphi lukhula lelitsetse lendzawo. Lemibhedze yaletinhlavu kumele iklinwe phindze ilahle ngaphandle kwetigadla tesihlabatsi noma lukhula noma tibhidvo letisele nakususwa kulesihlabatsi lesingetulu lokungahlupha kukhula kwetimphandze.
Simo Sekushisa/Sekubandza
iCelery idzinga indzawo lepholile lete sitfwatfwa kanye nekushisa lokungu 15 °C kuya ku 24°C. Uma tikhatsi tichutjwa tekushisa tibangetulu kwa 25 °C ngesikhatsi sekuhluma kwenta le celery ibemunyu kakhulu futsi ibenetintsambo.Indzawo Yekuhlanyela
Letinye tindzawo letatiwako tekuhlanyela yi Utah, Golden Pascal, Stetham ne Peppermint.
Translated by Phindile Malotana