Umkhiqizo Wayo Nokusetjenziswa Kwayo
Isthelo se-Permission sivamise ukobana sidliwe sifretjhi, nanyana kunjalo, manengi amabubulo enza ezinye izinto ngesthelwesi, ezikhiqiza i-persimmon. Ngebanga lokobana i-permission imumethe ileveli ephezulu ye-pectin, isetjenziselwa khulu ukwenza amajemu kanye nenandiphisi, ezifana nama-chutney kanye nama-suace afakwa ku-atchar.
I-Persimmon tannins sele isetjenziselwe ukwenza iinhlanhla, zokwelapha e-Japan begodu sele isetjenziswa njengesihlahla e-China, kusukela kade. I-tannis ivikela amaseli wamathitjhu, yenza ngcono amasotja womzimba ilwe namabhakutheriya nemilwane. I-tannis irhelebha ukwedliwa i-blood pressure, ipholisa namathumbu.
Ukukhiqizwa Kwawo Ephasini Loke
I-China yinarha ekhamba phambili ngokukhiqiza ama-persimmon begodu ihlangana kwenarha ezintathu zomkhiqizo wephasi. Ilandelwa yinarha ye-South Korea, Japan kanye ne-Spain.Ezinye iinarha ezikhiqiza i-persimmon yinarha ye-Israel, U.S.A., South Africa, New Zealand, Australia, Egypt kanye ne-Chile.
Umkhiqizo weSewula Africa
Ibubulo elikhiqiza i-persimmon enarheni le yoke ye-Sewula Africa yi-Sharon™ Fruit, ibizo layo lokurhweba ngayo lesthelo esithandwakwesi esinganantanga somhlobo we-persimmon Kaki Fruit yomhlobo we-Diospyros Triumph. Umhlobo lo we-persimmon ngokwendabuko uvela e-Sharon Valley enarheni yange-Israel nekulibizo ethiyelelwe ngalo. Ibubulo leli latlanywa eSewula Africa phakathi kweminyaka yabo-1990, ngebanga lemizamo eyenziwa yi-Mor International, ekusiqhema se-Israel ekungiso esithengisa iintjalo ezinengi ze-persimmon. Umngcopho wokutlama ibubulweli eSewula Africa kwakukungezelela iskhathi sokusabalalisa umkhiqizo ovela e-southern hemisphere. Eminyakeni eyadlulako, ibubulweli sele lifudukele eemfundeni ezifaneleke kobana zingatjala isthelwesi.
Iskhathi Sokuthela
ISewula Africa, isthelo se-Sharon™ sivunwa phakathi kwakaSihlabantangana, kufike ekugcineni kwakaMrhayili sibe khona kuze kufike inyanga kaRhoboyi.
Imfunda Ezisikhiqizako
Isthelwesi sikhiqizwa khulukhulu esifundeni se-Southern Cape, ekuyincenye ye-Western Cape begodu sithulwa e-ARISA lapha sipakwa khona nalapha silatjhwa khona e-Buffeljagsrivier eduze Swellendam isifundeni se-Western Cape. Lokha isthelo se-Sharon™ sithengiswa eemarageni zenarha le, iinthelo zaso ezinengi zithunyelwa kwezinye iinarha zisuka Eport yeKapa ngelwandle.
Eenarheni Ethunyelwa Kizo
Iinarha iSewula Africa ezithumela khulu isthelwesi se-Sharon™ yinarha ye-European Union,lapho umthamo omnengi westhelwesi uthunyelwa kumaprogramu wamavikili wakhona esifundeni sange-Northen Europe kanye ne-United Kingdom.
Ama-Technical Standards - Nanyana Iintifikeyidi
I-persimmon efretjhi ithunyelwa kwezinye iinarha ivela ngenarheni yeSewula Africa ikhambelana nemigomo yentandadi zekhwalithi ezitlanywe yihlangano ye the South African PPECB (Perishable Products Export and Control Board).
Translated by Busisiwe Prudance Skhosana