Ibizo elijwayelekileko: Yi-butternut
Ukutlhadlhulwa Kweentjalo
I-butternut ngenye yemindeni ye-cucurbit nanyana yemirorho. Hlangana kwamanye ama cucurbits kubalwa umgade i-marrow kanye ne-cucumber. Ikhula phasi ehlabathini bese kuthi iziqu zayo kanye namagatja zitjhuguluke zibe sivini esirharhabako. Istjalwesi sinamakari arondo akheke sahliziyo. Istjalwesi sibizwa bona yi-monoecious, okutjho bona womabili amathuthumbo asikazi naduna, amalunga westjalwesi. Iintjalo ezisikazi ezikhiqiza iinthelo zikhulu kunalezo eziduna ezingakhiqizi iinthelo. Isthelo sakheke njengerhasi begodu sikhukhumele ekugcineni lapha kuhlala khona imbewu.Iimfuneko
I-butternut esele ikhulileko ingadliwa irostiwe, iphekiwe, ibilisiwe nanyana yenziwe isobho nanyana ikheniwe ifakwe ebhodleleni nanyana ngeblegeni. Imuthumbo omuhle we-fibre, inezakhi mzimba begodu inothile nge-Calcium, Vitamin A, C kanye ne-E. Amakarayo angadliwa njengomrorho awodwa nanyana avangwe neminye imirorho nanyana ama-protein.Iimfuneko Zehlabathi Nokulungiselwa Kwayo
Ama-butternut, njenge-cucurbits, athanda ihlabathi eyisanda kodwana erhona nokubamba amanzi begodu eneleveli ephezulu yamagciwani. I-Ph yehlabathi kufanele ibe hlangana kwe-6 kanye ne-6.8. Nangabe ihlabathi ine-asidi enengi, faka i-lime ehlabathini ngaphambi kokobana upete isimu yakho.Thoma ngokulungisa ibala lakho eemvekeni ezisithandathu ngaphambi kokobana utjale. Nge-subsoil ukuyihlukanisa lochia nayihlangeneko. Nakutlhogeka izinto eziphilako ehlabathini nanyana i-lime, sabalalisa i-lime, khompowusti kanye nomanyoro esimini uzipetele ehlabathini. Ihlabathi ipetwa itjhingele ngama milimitha ayi-300 mm kuya ku-400 mm ukwenzela ukuhlanganisa ikhompowusti kanye ne-lime. Kuhle ukupeta kabili ukwenzela bona ihlabathi ihlangane kuhle. Ukupeta kwesibili kungenziwa kuhluke kunekwekuthomeni. Dosa i-harrow phezu kweentjalo uyisebenzisele ukuphula ihlabathi esabambeneko, ulevele ihlabathi nangayo.
Lokhu kurhelebha ukususa ikhula esimini. Emalangeni ambalwa ngaphambi kokutjala, isimu ingaphendulwa ngokusebenzisa i-harrow godu ukususa ikhula ezabe sele lithome ukukhula nokukulumaga isimu. Ngemva kokwenza lokhu yenza amalayini wokutjala abespara ukulungiselela imibhede yalapha kuzokutjalwa khona imbewu yama-butternut.
Ubujamo Bezulu
I-Butternut sitjalo esithanda lapha kutjhisa khona, njeke sitjalwa khulu etwasahlobo kanye nekuthomeni kwebusika. ESewula Africa kuthoma ngoRhoboyi ukuya kuNobayeni. Istjalwesi sizwela khulu lapha kunombethe khona nalapha kunamazinga womtjhiso angaphasi kwe-4°C okungenza bona sife.Nange ukukhula kweentjalo ze-butternut kungabanjwa malanga amanengi lapha amazinga womtjhiso aphezulu adlula i-35°C (lokhu kungezelela ukwakheka kweentjalo eziduna ezingavezi iinthelo)nanyana amazinga womtjhiso angaphasi kwe-12°C (ngombana lokho kwenza bona ukukhula kwayo kube buthaka nanyana zingasakhuli), i-butternut ingatjalwa kusukela ekuthomeni kwakaJulayi nanyana ekupheleni kwakaMhlolanja.
Amazinga amahle wokobana imile kulokha ahlangana kwe-phasi kwe-20°C ukuya ku-30°C begodu akhula kuhle lokhu amazinga womtjhiso ahlangana kwe-22°C ukuya ku-32°C emini lokha webusuku angaphasi kwe-16°C.
Ama-Cultivars
Apollo, Arela, Atlas, Carmela, Cosmos, Pilgrim, Pluto, Sheba, Titan, kanye ne-Waltham okumhlobo wemvelo we-butternut. Kukhona neminye imihlobo ye-butternut encani emntwana efana ne-Barbara engine emakethe.Translated by Busisiwe Skhosana