Voortplanting
Boerpampoen en Hubbard-pampoen plant voort met die saai van saad. Die saad is in ’n saadholte binne-in die pampoene geleë.Hoe om te Plant
Die saad kan met die hand of meganies in die land gesaai word. Die saai van saad in saadkassies en die uitplant van hierdie saailinge is baie gewild aangesien dit die oestyd vervroeg. Saad kan tydens die koue wintermaande van Julie en Augustus in kweekhuise of onder bedekkings gesaai word en dus vroeër ontkiem.Spasiëring
Saaityd
Die direkte saai van pampoen saad word gewoonlik gedoen wanneer die grondtemperature in die lente begin toeneem. Dit kan enige tyd vanaf die middel van September tot die begin van Oktober wees.Planttyd
Die uitplant van die saailinge is dieselfde tyd as die saai van die saad met ander woorde as die temperature begin toeneem. Dit is middel September tot vroeg in Oktober.Groeiperiode
Bemesting
Dit is gewoonlik genoeg om twee keer te bemes, een keer met planttyd en weer 6 tot 8 weke na planttyd. Dien tydens planttyd ’n mengsel van al drie belangrike makronutriënte naamlik stikstof (N), fosfaat (P) en kalium (K) toe. Ploeg ongeveer 750 kg 2: 3: 4 (30) per hektaar, net voor die saailinge aangeplant word, in die boonste 20 cm grond in.Wanneer boerpampoen of Hubbard-pampoen saad direk in die land gesaai word kan dieselfde bemesting soos hierbo gegee word. Dit moet toegedien word net nadat die saailinge ontkiem het en ongeveer vyf sentimeter lank is. Probeer hierdie toediening langs die plantrye, naby die vormende wortelsone konsentreer, sodat die onkruid nie die voeding opneem nie. Onkruid moet gedurende hierdie eerste weke onder beheer gehou word. ’n Tweede toediening van ongeveer 300 kilogram KAN per hektaar kan 6 tot 8 weke na planttyd toegedien word.