Spotted Sandveld Lizard

Igama

Spotted Sandveld Lizard

Uhlobo

Reptilia

Umkhakha

Squamata

Umndeni

Lacertidae

Ubude

80 - 90 mm

Incazelo

I-Spotted Sandveld Lizard yisibankwa esikhulu, esihlala ezindaweni ezinenhlabathi, esinamabala amnyama nomsila owumbala we-olintshi okuxubene nokunsundu. Umhlane waso unemibala onsundu ngokukhanyayo, othanda ukuba bomvana namabala amhloshana akakwe wumbala omnyama. Kokunye le mibala iyahlangana ibe yimigqa elandelanayo.

Indawo ehlala kuyo

Lesi sibankwa sitholakala eningizimu yeMozambique nasezindaweni ezisenyakatho yeKwaZulu-Natali. Siyatholakala naseKalahari kanjalo naseKaokoveld enyakatho yeNamibia.

Ukuzalana

Phakathi kukaNhlolanja noNdasa lesi sibankwa sizalela amaqanda amabili kuya kwayisishiyagalolunye. Emaqandeni kuphuma izibankwa ezincane ezingamamilimitha angama-50.

Ukudla

Lesi sibankwa sidla izicabucabu, ofezela neziye izibankwa.