Goatfish

© Johan Boshoff

Igama

I-Goatfish

Igama lesayensi

Mullidae

Ubude

Ejwayelekile ingamasentimitha awu-35, ingakhula ize ifike kwawu-60.

Ibonakala ngani

Le nhlanzi inomzimba olulekile namadevu amabili kabhabuli emaceleni omlomo. Isigwedlo sasemsileni simise okwebhaxa kanti esasemhlane agqaqgene. Inezinga ezinkulu. Imibala yale nhlanzi iyashiyana kusukela koyisiliva nomnyama kuya kophuzi ngokugqamile.

Ulwazi olwejwayelekile

Umndeni wezinhlanzi i-Mullidae unemikhakha eyisithupha nezinhlobo eziwu-55. Lezi zinhlanzi zithola ukudla esihlabathini phansi olwande. Amadevu kabhabuli asebenza ukuzwa umkhondo wezilwanyana ezicasha esihlabathini. Ezesilisa ziphinde ziwasebenzise ukuheha ezesifazane. Zivame ukuhamba zibe yizixukwana. Kwesinye isikhathi zitholakala zihamba nezinye izinhlanzi. Uma zizalela amaqanda, ziyawasaphaza emanzini.

Ukudla

Le nhlanzi idla oshebenisi nezinkalankala, kanjalo nezilwanyana ezidla izitshalo zasemanzini njengeminyundu.

Indawo

Itholakala olwandle ezindaweni ezinamazinga okushisa akahle nezinamazinga okushisa aphezulu.

Izinhlobo ezejwayelekile

Blacksaddle goatfish - Parupeneus rubescens
Double-bar goatfish - Parupeneus bifasiatus
Flame goatfish - Mulloides vanicolensis