Ti legumes ti aviwile hi swiyenge swa leti tinga ta nguva yo kufumela xikan’we na ta nguva leyi titimelaka, kuya hi nguva leyi tikulaka kahle eka yona. Ku hlawula madyelo lawanene yati legume kuva tifambelana na maxelo ya purasi rero, kukumeka ka mati xikan’we na muxaka wa misava swina nkoka. Leswi madyelo lawa yati legume yangata tirhisiwa swona emaheteleleni swifanele kuva switekeriwa enhlokweni loko kurikarhi ku byariwa – xana yata tirhiseriwa ku byisa swifuwo, hay kumbe silage?
Madyelo Ya Ti Legumes e Afrika Dzonga
Tani hi swibyariwa swa lembe na lembe swanguva yo kufumela swa khwalithi yale henhla swati legumes, hivumburhi ti soybeans kumbe ti cowpeas tinga tirhisiwa hiku olova eka maendlelo ya madyelo ya ximumu. Ti cowpeas tingava na 14 - 24% protein, kuya hi xiyimo xa makulelo.
Lucerne i swibyariwa swa nguva yo hola swati legume leswi kulakaeka nguva ya ximumu leswingana ti protein ta 16 - 18%. Madyelo ya lucerne ya byariwa hinkwako kambe ya tirhisiwa ngopfu eka vuhumelerisi bya hay hambileswi byi kulaka swankoka eka madyelo lawa yanga oma yati legume eka swiphemu swin’wana swa Afrika Dzonga.
Tin’wana ti legumes ta ndhuma ta madyelo ita lembe na lembe ta Medicago na tinxaka ta clover e xifundzheni xa Western Cape xikan’we na white na red clover eka tindzhawu letingana vuswikoti swinene naswona leti cheletiwaka swinene.
Vulawuri Bya Madyelo Yati Legumes
Madyelo yati legumes ya lava vulawuri byokarhi. Lulamisa swifuwo eka lembe rosungula endzhaku ko byala ku papalata ku dyiwa kusala kuri na ritshuri kutani u pfumelela leswaku ku dyiwa kantsongo kan’we kumbe ka mbirhi hi nkarhi wa ximumu kumbe xixikana.
‘Pasture bloat’ eka swifuwo swivangiwa hi swakudya leswingana kutlula 50% wati legumes, ngopfu ngopfu white clover na lucerne kumbe loko swifuwo swidya eka madyelo lawa ya tsakamaka. Berseem clover yile ka xiyimo xale hansi xakuvanga mpfimbelo. Engetelela kudyiwa ka dry matter xikan’we na mphakelo wa anti-bloat lick.
Madyelo yati legumes yatirha kahle ngopfu kuringana 3 - 5 wa malembe endzhaku kaswona kuva na 'rundown' leyinga languteriwaka loko nitrogen ya swimilani eka misava yingaha kumeki. Ku nonisiwa ka misava kunga hunguta ‘rundown’. Phosphate, potassium na pH ya misava swina nkoka swinene eka ti legumes.
Tiva leswi: Vuxokoxoko lebyi ibya xikongomelo xo dyondzisa naswona vuxokoxoko lebyi byingaka byinga tekiwi tani hi switsundzuxo swo byala, mphamelo kumbe swakudya. Kukuma vuxokoxoko byotala eka mphamelo eka swifuwo swawena kumbe kubyala madyelo tihlangnise na madokodela ya swifuwo kumbe vativi va timbewu.
Translated by Ike Ngobeni