Swotswalela ka Swona swa Tinguluve

©Glenneis Kriel

Piglets are allowed to move safely to and from the sow in farrowing pens.

Swotswalela eka swona i vuvekisi bya kahle ngopfu lebyinga endliwaka hi n’wamapurasi. Tinguluve ta xisati ti rhurhiseriwa eka swona loko ku sele vhiki leswaku ti tswala kutani ti vekiwa kona kufikela swingulubyani swilumuriwa endzhaku ka 21 kuya eka 28 wa masiku hi vukhale. Kufamba famba ka tinguluve swipimiwile swinene kuringana eka ndzhawu yo tswalela yin’we, laha swingulubyani swikotaka ku famba famba swintshuxekile laha swinga kotaka ku fikelela na mhani wa swona.
Kuya hi Welfare Code of the South African Pork Producers Organisation (SAPPO), tinguluve ta xisati tingaka tinga nghenisiwi laha titswalelaka kona kutlula 7 wa masiku kungase fika siku rotswala naswona endzhaku ko tswala tingaka tinga tshami kuringana 6 wa mavhiki.

Mbuyelo

©Glenneis Kriel

In the absence of farrowing pens, sows should have enough space to protect the piglets from other pigs.

Valweri va timfanelo ta swifuwo vanga vula leswaku lawa i maendlelo ya tihanyi, kambe ntiyiso hileswaku tindzhawu totswalela eka tona tipfuneta ka kuhanya kahle hiku tiyisisa leswaku kuna mahiselo lawa ringaneleke swingulubyani naswona swisiveriwa kuva swinga vumbuluka swiwela ehansi.
E handle ka leswi, ti sirhelela swingulubyani eka mavabyi na ti parasites, tani hi leswi tindzhawu to tswalela eka tona tibasisiwaka titlhela ti cheriwa swo dlaya switsotswani loko tinguluve ta xisati tingase rhurhela kona. Eka maendlelo yotala tinguluve ta xisati titlhela tihlambisiwa kutani tisusiwa manyoka nyokani loko tingase yisiwa eka tindzhawu to tswalela eka tona.
Ku engetela kwalano, tindzhawu to tswalela ti pfumelela van’wamapurasi kuva vapfuna tinguluve loko titswala xikan’we naku languta swakudya swatona, kunwa mati xikan’we na rihanyo lerinenen ra nguluve na swingulubyani. Leswi swina nkoka swinene, tani hi leswi kufikela eka 65% wa swingulubyani swi lovaka eka vhiki rosungula loko swiheta kutswariwa.

Swoka Swingari Kahle

©Glenneis Kriel

Good design and good hygiene helps to prevent problems in farrowing crates.

Kuya hi website ya, Farming Truth, leswinene switika ku tlula leswo biha laha swotswalela eka swona kungariki ntsena maendlelo ya ntolovelo ntsena e Afrika Dzonga, nale United Kingdom, Europe xikan’we na United States. Xo biha xakona i tihakelo ta le henhla, tani hileswi switirhisiwa leswi swidurhaka swinene naswona swilava ku basisiwa naku tirhisa gezi. Rihanyu leri antswisiweke ra swifuwo, kuhunguteka ka mafu ya swingulubyani naku kulak u antswa, hambi swiritano, leswi swa pfuna swinene kuya hiku famba ka nkarhi.

Swin’wana leswingariki kahle hi leswaku switisa ku vaviseka ka swingulubyani na swiphiqo swa rihanyo kufana na swilondza swale milengeni na ku gonoka, loko swinga endliwanga kahle kumbe ku basisiwa kahle. Kuya hi Welfare Code, swivala swifanele kuva swipfumelela ku famba famba ka ntumbuluko na mahanyelo ya tinguluve. Tinguluve ta xisati, kwalano, tifanele kuva tikota ku etlela e hansi xikanwe naku yima kungari na swipimelo eka milenge yatona. Nhlana wa tinguluve awufanelangi kuva wu khumba tinsimbhi tale henhla ta xitirhisiwa lexi kumbe laha matlhelo.

E Handle

Farrowing pens reduces the risk of sows rolling over their young.

Tindzhawu to tswalela eka tona ati fanelanga kuva tiva endzeni laha kunga pfaleka. E tikweni ra America kuna vafuwi lava tinguluve ta vona ti jikajikaka hi toxe lava tirhisaka swotswalela eka swona leswi petsekaka eka madyelo himinkarhi leyi ku hisaka e lembeni. Va jikajikisa swotswalela eka swona eka madyelo kusivela leswaku kungavi na mavabyi kumbe ti parasites eka tindzhawu tokarhi.
Van’wamapurasi va Afrika Dzonga vanga ringeta leswi ntsena eka tindzhawu leti namadyambu kutiyisisa leswaku swingulubyani aswi khomiwi hi xirhami, laha swihanyaka kahle exikarhi ka 27 kuya eka 32 degrees celsius. Mahumeleriselo lawa aya lunghi eka mahiselo lawa ya titimelaka leswi laviwaka hi tinguluve ta xisati, leti swakudya swa tona na mahumeselo ya masi swikhumbhekaka hi ndlela yobiha swinene loko mahiselo yari e henhla ka 21 degrees celsius.
Laha kunga pfaleleka ntlhontlho lowu wuhluriwa hikuva ku endliwa ndzhawu leyi kufumelaka nale hansi laha ku hisaka, loko nguluve ya xisati yiri laha kutitimelaka.
Kuna swivumbeko swohambana hambana leswi kumekaka, vutisa animal health technician kukuma switsundzuxo eka xivumbeko lexinga lulamela swilaveko swa mafuwelo ya wena.

Translated by Ike Ngobeni