Sharpe's Grysbok
Xipitsipitsi
Vito
Xipitsipitsi [Raphicerus sharpei]
Xivumbeko
Xipitsipitsi I xiharhi xa muxaka wa timhala xo nyuma swinene lexinga xintsongo eka muxaka lowunwana wa Xipitsipitsi laha lexi xingana miri wobumbula na voya byo fuwa bya muhlovo hlovo. Xipitsipitsi xikwalomu ka 500mm laha makatleni xitlhela xitika 8kg loko se xikurile. Nkatsakanyo wobasa wo fuwa wa voya bya Xipitsipitsi laha nhlaneni nalaha matlhelo wu endla leswaku xilanguteka ku antswa. Kova Xipitsipitsi xa xinuna ntsena lexingana timhondzo letinga leha 60 -100 mm.
Swakudya
Xipitsipitsi xitidyela rihlaza ntsena laha xitsakelaka matluka, swinsinyani na swihlahla leswintsongo. Xitlhela xitiphina swinene hi byasi lebyintsongo na timintsu ta byona, mihandzu na mabilomu lomu yanga kona. Swibyariwa leswinga tshoveriwa swarhandziwa swinene nimadyambu.
Kutswalana
Nwana un’we utswariwa endzhaku kotika tinhweti ta nkombo. Tani hileswi Xipitsipitsi xingana xihundla akuna swotala leswinga kandziyisiwa mayelana na mintolovelo ya xiharhi lexi.
Mahanyelo
Xipitsipitsi xitala kufamba xoxe, laha xitshamaka xiwisa loko dyambu rihisa kasi xidya swakudya swaxona nimixo na loko dyambu ripela.
Laha xikumekaka kona
Xipitsipitsi lexi xifana swinene na muxaka lowunwani hixivumbeko na mahanyelo kambe xikumeka etintshaveni ta Lebombo e Mpumalanga nale N’walungwini. Nhlayiso wa xona awutiveki kahle kambe swilanguteka xikala swinene.
Swo switiva
Xipitsipitsi xa xinuna na xaxisati xinwani na xinwani xina ndzhawu ya xona leyi xifumaka yona. Xipitsipitsi xivoniwa xirikarhi xitekela nguluve ya nhova minkele leyi yinga cela.
