Ku khiwa ka swichocho swoya ringa switala ku endliwa endzhaku ka loko kucinca ka muhlovo swisungurile, loko mihandzu yisungula ku vevuka, kusuka kwalano swinga endliwa vhiki na vhiki kuya eka siku ra vumbirhi rinwana na rinwana kufikela siku rantshovelo. Madiriva lawa ya ringiwaka ya yisiwa e laboratory. Laha madiriva ya fayiwa, ya katsiwa xikanwe naku pimiwa chukele, acid na pH. Leswi switsariwa na siku leri swinga endliwa hi rona, nsimu na nomboro ya bloko na muxaka wa madiriva lawa kamberiweke. Ku engeteleleka ka ku vupfa kunga endliwa naku tiva siku raku tshovela xikanwe na mbuyelo.
Ku Ringa Madiriva
Madiriva yambirhi ya susiwa kusuka e hansi, exikarhi nale henhla ka xichocho, laha kunga hlawuriweki madiriva yokarhi kumbe ku langutiwa ka xichocho. Swina nkoka swinene ku hlawula madiriva kusuka endzeni nale handle ka masimu ya madiriva xikanwe nale matlhelo ya mintila. Hindlela leyi kunga huma mbuyelo lowu yimelaka nsimu hinkwayo.Ku Ringa Swichocho Swamadiriva
Tsema xichocho hinkwaxo endzeni nale handle ka mudiriva, kusuka e henhla nale hansi xikanwe nale ka matlhelo hinkwawo ya mintila ya misinya leyi. Tani hileswi loko kuringiwa madiriva, unga langi swichocho. Chela swichocho hinkwaswo e bakitini kutani uya emahlweni u tsema swichocho eka masimu yalawo.Translated by Ike Ngobeni