Kulawula Ximilani Xa Cantaloupe

© Louise Brodie

Ku Cinca Cinca Swimilani

Switshama swiri kahle swinene kuva ku cinca cinciwa swimilani swa cantaloupes na swin’wana swofana na ti legumes kumbe swimilani leswingana matluka lawa kulu. Ringeta ku byala swimilani swa ti cantaloupes endzhaku ka malembe mambirhi yanwana na yanwana eka ndzhawu yin’we. Loko kuriku ndzhawu yaleyo yifanele ku byariwa swimilani swati cantaloupes lembe rin’wana na rin’wana, kutani kufanele ku endliwa vulawuri bya switsotswana bya matimba xikan’we naku fafazeriwa ka misava.

Mbuyelo (tonnes hi hectare)

Ntolovelo: 15 tonnes
Exikarhi: 30 tonnes
Swakahle: 40+ tonnes

Ntshovelo

Ntshovelo wusungula kwalomu ka 12 wa mavhiki endzhaku ko byariwa ka swimilani kumbe loko kuhume swimilani leswi byariweke hi mbewu e misaveni yoleyo. Ntshovelo wu endliwa hi voko naswona wungaya emahlweni kuringana mavhiki ya nharhu kumbe mune lawa ya landzelaka. Ntshovelo lowu wuendliwa eka switeji swohambana hambana leswi vange i “slip” leswitivekaka ku antswa tani hi “full slip” na “half slip”. Leswi swivula ndlela leyi switikaka kumbe ku olova hiyona ku tshovela kusuka eka tshindi rakona. Mihandzu yakona yisungula ku xavisiwa loko yiheta kutshoveriwa nakona yidyiwa loko yiri eka full slip laha hi loko yivupfile swinene. Laha yifanele kuya xavisiwa hinkarhi walowo. Mihandzu leyi tshoveriwaka yiri eka half slip yiva yinga vupfanga ngopfu naswona yinga hlayisiwa yiya xavisiwa endzhaku ka nkarhi.

Nhlayiso

Cantaloupe kumbe Muskmelon ya bola hiku hatlisa leswi endlaka leswaku switika swinene kuwa hlayisa. Nhlayiso wutala kuva exikarhi ka 2 na 4°C. Relative humidity (RH) yifanele kuva yiri eka 90%+. Nhlayiso awutalanga kuva wu hundza eka 14 wa masiku. Tinxaka tinwana tintshwa titshoveriwa tiri eka xiyimo xa half slip tinga hlayisiwa eka 0 kuya eka 2°C kuya fika eka mune wa mavhiki. Mihandzu leyi nantswekaka kahle hileyi yinga vupfa kahle ensinyeni kutani yidyiwa loko yahaku tshoveriwa.

Switsotswana

Nematodes, American Bollworm, Aphids na Leaf beetles.

Mavabyi

Downey Mildew, Anthracnose, Powdery Mildew, Fusarium wilt na rot, Mosaic virus, Bacterial wilt na Leaf spot.

Translated by Ike Ngobeni

 Hundzeke