Tiyisisa leswaku tihuku ati vaviseki na ku fa loko tiri eku fambisiweni, tihuku tifanele ku hlayiseka no pfumala ntshikelelo loko tiri eku fambisiweni. Va South African Poultry Association vana switsundzuxo leswi kuva na rendzo ra kahle:
Vachayeri
Muchayeri ufanele kuva a rhandza swihari, kambe u fanele a switiva xikanwe naku lulamisa nhlayiso wa swona loko kutshuka kuri na swinwana endleleni. Nhlayiseko wa tihuku wufanele ku tekeriwa enhlokweni eka rendzo leri naswona movha wufanele wufamba kahle kusivela kuva tihuku tiwa kumbe kurheta loko tiri endzeni ka swibye.Ku Yima na ku Leha ka Rendzo
Maphepha yafanele ku tatiwa loko kunga se khomiwa no layichiya ka tihuku, leswaku loko va heta ku layicha vata vhela vafamba. Rendzo arifanelanga kuva rihundza 24 wati awara naswona kuyima swifanele kuva swiendliwa loko swiboha. Loko kuyimiwa laha kuhisaka kufanele kuva na moya lowu hungaka kutiyisisa mahiselo laha kunga layichiwa.Kutitsona Swakudya
Tihuku ati fanelanga kuva titsoniwa swakudya kumbe mati loko tinga se fambisiwa na loko tiri eku fambeni, naswona atifanelanga tingavi na swakudya kuringana 24 wa ti awara ku pimiwa hinkarhi lowu tinga hetelela hiwona kunwa kumbe kudya.Maxelo
Magoza ya fanele kutekiwa ku sirhelela tihuku eka maxelo yo biha, ngopfu ngopfu eka rendzo ro leha. Eka maxelo lawa ya hisaka tihuku tifanele ku fambisiwa hinkarhi lowu kunga hiseku ka siku, kungava ni mixo, loko riya eku peleni kumbe navusiku.Kukhomiwa ka Tihuku
Tihuku letikulu tifanele kuva tikhomiwa hi milenge hinkwayo naswona miri wufanele ku seketeriwa. Akuna tihuku to tlula tinharhu letinga khomiwaka hi voko rinwe ra munhu unwe hinkarhi wunwe.Swibye swifanele ku fambisiwa kahle, nakona swinga voyamisiwi ku tlula 20 degrees loko ti layichiwa no chichiwa naswona yinga cukumetiwi kunene. Swibye swifanele kutiyisisiwa leswaku swinga vumbuluki.
Swibye leswi tirhisiwaka swifanele ku basisiwa himinkarhi hinkwayo naku tiyisisa leswaku swiringanele kuva swi rhwala tihuku. Swibye leswi swinga tlhandlekeriwa ehenhla ka swinwana kambe swinga siveli ku hundza ka moya. Tihuku ati fanelanga kuva tikota kuhumesa nhloko, tipiku kumbe milenge eka swibye leswi.
Tihuku
I tihuku letinga hanya kahle swinene no kula kahle letifaneleke ti fambisiwa. Xiyimo xa maxelo, nkarhi wa rendzo na leswi swibye swinga endlisa xiswona swifanele kutekeriwa enhlokweni loko kulangutiwa nhlayo leyi yifaneleke ku fambisiwa. Hixitalo huku yinwana na yinwana yifanele kuva 20 cm². Eka tihuku ta matandza ntiko wufanele wuva ehansi ka 55kg hi square meter, kasi ehansi ka 70 kg hi square meter eka swihukwana leswi fambisiwaka.Tihuku to Hanya
Vuxokoxoko bya leswi xavisiweke leswi katsaka voxokoxoko bya vaxavi byi fanele ku hlayisiwa xikanwe na nhlayo ya tihuku leti xavisiweke na xiyimo xa rihanyo. Hikwalaho ka vuhlayiseki vaxavi ava fanelanga kuva va fika e hokweni ya tihuku naswona kuxavisiwa ka tihuku to hanya swifanele ku endliwa eka ndzhawu leyi hlayisekeke.Kuhlamusela
Nhlamuselo yo tiyisisa kuya hi xitifikheti eka maendlelo lawa ya hlayisekeke yifanele kuvekiwa hi ndlela leyi:- Leswaku tihuku atingari na swikombiso swa mavabyi kumbe kufa hi nhlayo yale henhla leyi vikiweke eka masiku ya 30 lawa ya hundzeke.
- Leswaku tihku tikamberiwile eka mavabyi naleswaku ta fikelela swilaveka swa Salmonellae Movement Protocols.
- Leswaku tihuku tikamberiwile eka mavabyi yofana na avian influenza kuya hi HPNAI Contingency Plan naleswaku ta fikelela swilaveko.
- Leswaku tihku tikamberiwile mavabyi ya Newcastle kuya hi “Movement Control Protocol eka mavabyi ya Newcastle xikanwe naku fikelela milawu.
- Leswaku tihuk tikhomiwe kuya milawu ya sweswi ya SAPA Code of Practice for Live Bird Sales.
Translated by Ike Ngobeni