Ku Voniwa ka Xidzidzi

©Karl Svendsen
Xihadyani xa Xidzidzi (Mellivora capensis) xi tsindziyerile, xiva na nhlonge yotiyela, leswi switlhelaka swiva xivangelo xakuva xiri xona xo sungula laha Afrika Dzonga kuva xikuma vito ra Afrikaans ra xivumbiwa lexi ra, Ratel. Xikume vito leri kusuka eka ra English hikokwalaho ka kutsakela ka xona kuva xifikela mabaku ya tinyoxi, leswi eka masiku ndzhaku swinga tisa ntlimbo exikarhi ka swona na vahumelerisi va vulombe.
Xidzidzi xina xivumbeko xa stocky xikan’we na milenge yokoma. Hi xitalo ixa ntima, xiva na ntila wa mpunwa laha eka swirho swale henhla kukatsa nale henhla ka nhloko ya xona. Xina ncila wokoma, wotlhuma lowutshamaka wuyimile loko xiri eku fambeni. Leswikulu swinga kula kufika eka 90 cm kuya eka 100 cm hiku leha naswona xitika 8 kg kuya eka 14 kg. Kufana na skunk, swihumesa mati yo nuha swinene loko xichavisiwile.
Xa xinuna na xa xisati swita hlangana ntsena eka masiku yokarhi leswaku swita endla timhaka ta masangu. Tani hileswi kungariki na nguva ya masangu, vana va swona vanga tswariwa nkarhi wunwana na wunwana wa lembe.
Vana va tswariwa vangari na voya naswona vaha pfaleke matihlo e nkeleni lowu lulamisiweke hi lexi xa xisati, endzhaku ka kubiha emirini kuringana nkombo wa mavhiki. Kutswariwa nwana un’we hinkarhi. N’wana loyi u rhurhiseriwa eka ndzhawu yintshwa masiku hinkwawo kufikela loko a ringanerile ku famba na mhani wakona kuya eku hloteni kwalomu ka vukhale bya tinhweti tinharhu. Matihlo ya vana ya pfuleka loko se vari na tinhweti timbirhi hivukhale.

Madlayelo na Madyelo

©Karl Svendsen
Xidzidzi xi hanya hiku dya nyama hinkateko, kusukela eka xin’wana na xin’wana lexinga xintsongo eka xona kufana na switsotswana kuya eka swingwenyani. Xidzidzi xi hanya hiku hlota, kambe xa swikota kukuma va dlayile xifika hiku dya kumbe ku yiva swakudya swa swiharhi swinwana kumbe laha ku lahliwaka malakatsa.
Xidzidzi xitlharihe ngopfu na vusiku himinkarhi leyi hisaka naswona exikarhi ka siku himinkarhi leyi kutitimelaka eka tinhweti ta xixika. Eka tindzhawu leti xinga kavanyetiweki, xitala kutlhariha ngopfu ni mixo xikan’we na loko dyambu riya eku tlomuteni.
Leswi switifambelaka swoxe switala kudlaya swifuwo leswintsongo, kufana na tihuku, tinyimpfu na timbuti kunga swona leswi laviwaka ngopfu. Kuya hi Predation Management Manual, aswitalanga xidzidzi xidlaya xiharhi xinga se dya, kambe xisungula hiku lumetela xiharhi xexo naswona minkarhi yin’wana xitshovelela na mavoko ya xiharhi xexo xaha hanya.

Xidya nhlayo yintsongo ya nyama, ngopfu ngopfu nyama yale xikandzeni, kufana na nhompfu,marhama na ririmu. Xitala ku handzula xiharhi hilaha khwirini kuhuma mbhovo kuya exifuveni.

Vulawuri

©Marinda Louw
Van’wamapurasi valava mpfumelelo waku xidlaya kumbe kuxisusa eka ndzhawu yokarhi.
Xidzidzi xikota ngopfu ku cela naswona xina min’wala yotsindziyela swinene yale mahlweni leswi endlaka leswaku xikota no tsema darata. Ku endla xivala, varisi na varindzi va swifuwo i tindlela letinga tinene kusivela ku lahlekeriwa.
Badger Friendly Label yi sunguriwile ku kombisa kuhumelerisa vulombe hi ndlela leyinga vaviseki xiharhi xa xidzidzi. Vahumelerisi votala va vulombe va hlula swiphiqo swa xidzidzi, hikuva vaveka mabaku ya vulombe e henhla nyana kwalomu ka mitara kusuka emisaveni laha vavekaka baku eka tipala.
Kuya hiva South African National Biodiversity Institute and Endangered Wildlife Trust, vu onhi lebyi endliwaka hi xihadyani xa xidzidzi byiyile e hansi swinene hikwalomu ka 66% exikarhi ka 2001 kuya eka 2009, hikuva ku antswisiwe masirhelelelo ya mabaku.

Translated by Ike Ngobeni