Day Waterlily
Vito
Day Waterlily kumbe Star Lotus kumbe Pygmy Waterlily
Vito ra XiLatin
Nymphaean nouchali
Nhlamuselo
Day waterlily i ximilana xale matini xova na matluka lama hambanisiweke hi petlula –ya V ya rhandzavula yo papamala. Swimilana leswi swina minsinya yale hansi ka misava leyi nga somiwa yi tiya eka ndzhope ehansi ka mati hi ndlela ya timitsu leti hangalakaka, to bumbula. Rhizome (nsinya wale hansi ka mati) wu 4-5 cm hi dayamitara , ntima hi muhlovo nswaona wuna vufokofoko. Matluka ma papamala ma leha, mahlanga ma fokofoko naswona ima rhandzavula na gema ro enta kumbe ku tsema ku suka exikarhi kuya makumu yale handle. Swiluva leswikulu swi rhwaliwa eka mahlanga mo leha ehenhla ka vuandlalo bya mati naswona ma ngava mo basa, xitshopana, wasi kumbe pinki hi muhlovo naswona mapfuleka ntsena loko dyambu ri tlhavile, ma pfala na vusiku ma tlhela ma pfuleka na mpundzu. Mana tipelati to tala leti kombeteleke naswona ma tlhela mava na risema. Kuna kwalomu ka swipisisi swa 60 swa tiWaterlilies, kambe xipisisi xin’we ntsena eAfrika –Dzonga, xi nga Day Water Lily. Tiwaterlilies i swiluva swo vanaka swinene.
Vutshamo
Tilili ti kumeka eka tipani, madamu na swidziva eka minambu yo khuluka ka ntsongo naswona ti kumeka misava hinkwayo ku katsa swifundzankulu hinkwaswo swa Afrika-Dzonga na Kruger national Park.
Mihandzu
Endzhaku ka loko ximilana xi sindzihatiwile hi tinyoxi na swifufunhunhu, swiluva swi kokeriwa ndzhaku ndzeni ka mati laha ndzoho yi vupfaka: ndzhoho yo vupfa ya papamala kutani yi hangalasiwa hi nkhuluko wa mati. Ti tlhandluka kuya ehenhla, ti papamala xinkarhana, no gimeta hiku nyupela ndzeni ka ndzhope, laha ti hlukaka kona.
Tinotsi tale rivaleni
Lily I yin’wana ya swimilana leswi xiximiwaka ngopfu la misaveni naswona ku vuriwa leswaku loko Bhuda a lova swiluva swi balekile hinkwako laha anga tshama a famba kona. Xi tlhela xiva xiluva xa rixaka xa Bangladesh na Sri Lanka.
