African Rhino
Mhelembe

© Roger de la Harpe

Diceros bicornis

Xiharhi lexi xihatla xitiveka hi xivumbeko xa xona xakuva na rimhondzo emombyeni wa xona. Timhelembe tina xivindzi naswona tivonaka tidyela ekusuhi swinene na tinghala laha na tinghala tilangutekaka tingari naku chava nchumu. Vahloti va timhelembe hivona va hoxaku xandla eka kuhunguteka ka nhlayo ya timhelembe. A Kruger National Park timhelembe to basa tikumeka ngopfu exikarhi ka Sabie na nambu wa Crocodile kasi tikala ngopfu e Shingwedzi nale Letaba. Mhelembe ya ntima yona yikumeka ngopfu eswihlahleni swa miitwa no tlhuma e dzongeni wa Skukuza na Pretoriuskop nale dzongeni wa Lower Sabie kusuhi na Crocodile bridge.

Xana mhelembe yi wisa kwihi naswona rini?

Mhelembe yi etlela yilo yima kumbe yi etlela e hansi naswona yi kota ku etlela kuringana nhungu wa tiawara hi siku hi minkarhi yo hambana hambana. Mhelembe yinga kumeka yi etlele e hansi ka nsinya eka siku leri hisaka swinene kambe loko yi etlela vurhongo yi etlela ehansi yi khondla milenge e tlhelo rinwe. Loko yi etlele vurhongo ya tshuneleleka.

Xana mhelembe yi wisa njhani?

Loko dyambu rihisa swinene mhelembe ya wisa endzhutini kumbe e ndhopeni. Ndhope ayi wisisi mhelembe ntsena kambe yi yipfuna ku sirhelela nhlonge eka dyambu ni switsotswana swinwana. Timhelembe ti rhandza ku famba ngopfu navusiku loko ku horile, Titlhela ti n’wa mati loko yakumeka.

Xana rimhondzo ra mhelembe riendliwe hiyini naswona hikokwalaho ka yini rilaveka ngopfu?

Rimhondzo ra mhelembe ari endliwangi hi misisi tani hileswi swinga tshama swi ehleketiwa hikona kambe ri endliwe hi keratin (leyi endleke minwala kumbe timhondzo). Rimhondzo leri rilaveriwa ku endla murhi. E Yemen ritirhisiwa tani hi xikhomo xa tlharhi leri nyikiwaka majaha loko ya nghena eka vununa bya vona.

Xana hikwihi kuhambana ka mhelembe ya ntima na yobasa?

Akuna ku hambana eka muhlovo exikarhi ka timhelembe leti mbirhi kambe kova vito leri hlamuselaka leswi nomo wunga akekisa xiswona. Nomo wa mhelembe i wantima wu endla onge kova xinjovo nyana loko wu pimanyisiwa na mhelembe leyo basa. Leswi swiendla leswaku timhelembe leti tihambana eka madyelo tani hileswi na xivumbeko xa milomo xihambanaka. Kutlhela kuva nakuhambana hiku kula laha mhelembe yo basa yinga kula kutlula leya ntima.