African Giant Pouched Rat
Vito
Kondlo [Cricetomys sp. Ansorgei]
Xivumbeko
Kondlo rina ncila woleha lowu ngana makumu yo basa. Miri wa rona iwa mpun’wa wutlhela wuva na mavoya yo leha. Milenge yale mahlweni kumbe mavoko ya rona iyo basa. Xikandza xa rona xina mavoya yantima yo leha enon’weni. Kondlo lerikulu ri pimiwe kuva 750mm kusuka e nhompfini kuya e mahetelelweni ya ncila. Kasi ncila wonawu endla 410mm hiku leha.Kondlo ra xinuna ri tika 1.3kg kasi ra xisati 1.2kg. Switihlwani nyana swarona swirhandzeriwe hiku ntima nyana.
Swakudya
Kondlo leri ri hanya hi nyama na swimilani. Kondlo leri ridya switsotswani, muhlwa/majenje, mihandzu na matsavu. Kondlo leri ritiveka hiku rhwala swakudya riyatumbeta leswaku rita dya nkarhi lowutaka.
Kutswalana
Kondlo ri biha emirini kuringana 27 wa masiku, ritswala kusuka eka swikondlwani swimbirhi kuya eka mune. Kondlo leri ritswala nhweti na nhweti hi ximumu. Swikondlwani swikota kusukela vatswari kuya tilavela swakudya loko swiri na ntsevu wa mavhiki ivi swilumuriwa loko swiri na tinhweti tinharhu.
Mahanyelo
Kondlo leri riti famba fambela roxe navusiku handle ka loko kuri nkarhi wotswala. Makondlo ma xinuna na ma xisati yakumeka eka tindzhawu leti hambanaka kusuka lomu kungana swihlahla na timpfula leti fikaka eka 800mm hi lembe.
Laha swikumekaka kona
Kuna mixaka yo hambana hambana ya makondlo lawa ya kumekaka himinkarhi ngopfu e Limpopo Province.
Swo switiva
Makondlo lawa yaswikota ku leteriwa ku nuhetela swibuluki eka matiko yotala ya Afrika. Ya leteleka ku antswa kutlula timbyana, yatlhela ya chipa kuya fuwa. Makondlo ya hatlisa kutswalana ya nadza laha kungana malakatsa lawa yanga cukumetiwa, kutlhela kuva na swiviko swaku lumetela kumbe kudya vana va vanhu hambi vatswatsi lava vanga etlela.
