African Giant Pouched Rat
Peba e kgolo ya Afrika ya mokotla
Leina
Peba e kgolo ya Afrika ya mokotla [Cricetomys sp. Ansorgei].
Peba e kgolo ya Afrika ya mokotla ga ntšhi e akaretšwa e le Peba ya mokotla ya Gambia, ye e arogantšhwego bjalo ka phoofolo e tšwago go Peba e kgolo ya mokotla ya kua Borwa.
Ponalo
Peba e kgolo ya Afrika ya mokotla e ne mosela o mo telele, o senago maboya o bego bošweu mafelong, mme o apešitšwe ka letlalo le le setlha. Papišong le maboya a ma telele, mola karolo ya fase e ne mmala o nyakile go ba mmala o galogilego. Matsogo a mašweu. Sefahlego se kgetelogantšhitšwe ka maledu a ma telele a maso. Ge le godile le ka ba dimilimitara tše 750 go tloga nkong go fihla mafelong a mosela, le mosela o ka ba dimilitara tse 410 ka botelele. Palogare ya boima bja ya poo e ka ba dikilomitara tše 13, gomme ya tshadi e ka ba dikilomitara tše 12, mahlo a ma nnyane a dikadikilwe ke segweswa se seso leihlong.
Dijo
Peba e kgolo ya Afrika e ja mehuta e me ntšhi ya dijo yeo e akaretšago dimela le diphoofolo. Dijo tša yona di akaretša dikhungkhwane, moohlwa, dienywa le mehuta ya merogo. Di na le mekotla ya marama a swarago dijo le tše dingwe tše swanego go bolokwa.
Pelego
Morago ga go duša sebaka sa matšitši a 27, ya tshadi e tla belega dikolobjana tse ka bang pedi goba tše nne. Peba e kgolo e belega gantšhi ka nako ya Selemo. Tse nnyane di tla tšwa ka sehlageng ka morago ga dibeke tse tshela goba gomme di tla tlogela sehlaga ka morago ga dikgwedi tše tharo.
Boitshwaro
Peba e kgolo ya mokotla e tlwaetše go bonagala bošego gomme e rata go šika noši ntle le ge e duša. Dipeba tše kgolo tša dipoo le tše tshadi mohuta wa tšona o tšwelela pele. Peba tše kgolo tša Afrika di tlwaetše lešoka le lešoka la dipula tša go lekana dimilimitara tše 800 ka ngwaga.
Moo di hetšwago gona
Go na le mehuta e mmalwa ya diphoofotšwana tša dipeba tša Afrika, tšeo bonnyane di gopolwago dihwetšwa Afrika Borwa. Di hlagelele ka thoko tša Leboya dikarolong tša Profense ya Leboya.
Tše bohlokwa
Dipeba tše kgolo tša mokotla di a rutwa go dupelela dithuthupiši dibakeng tše ntšhi tša Afrika. Go bonolo go ruta dipeba, go phala go ruta mpša. Dipeba gape ga di hlwahlwa godimo go di ruwa. Dipeba di ka ba tša feteletša malwetši mafelong ao go lahlwang ditšhila, gomme gone dipolelo tša gore Dipeba tše kgolo tša mokotla di ka ja maseya le batho ba ba golo ge ba robetše.
