Common Finger Grass
Nabile
Leina
Nabile
Leina La Se-Latin
Digitaria eriantha
Ditiriso
Ke tlhaga e ê jegang e ê kaiwang fa e le nngwe ya ditlhaga tsa mafulo a tlhago le a a lemilweng tse di siameng e le ruri (Mangole Maseka ke tlhaga e ê lemiwang e ê itsagaleng fa e le yona e ê siameng go di feta) mo borwa jwa Afrika. E nna e ntse e jega go fitlha thari mo marigeng mme gantsi e dirisetswa go dira furu.
Thanololo
Boleele jo bo fitlhang go 1.8m. Ke tlhaga e ê lelêdu e ê tshelang sebaka ka magare a letlhare a 14mm. Thunya-kakaretso ya dikalana tse 3 go ya go 15, mo ngataneng e le nngwe kgotsa tse pedi, e ka bonwa kwa ntlhaneng ya thitô. Karolo e ê fa tlase ya semela gantsi e meritshana.
Tulo
Nabile e mela mo mmung o ô motlhaba kwa dikgaolong tse di senang dipula le mo mmung o ô bongôla jaaka fa thoko ga ditsobôtla kwa dikgaolong tse di dipula. Nabile e fitlhelwa go ralala borwa jwa Afrika.
Thunyô
Ferikgong – Moranang
Dintlha Tlhagiso
Nabile ke semela se se dirwang e se ka tlhagô thata ka mefuta ya kgaolo e e akaretsang Mangole Maseka, Moyane le Pongola.
