Pele ga ge o reka dinonyana goba sedirišwa sefe goba sefe, o swanetše go hlaola maraka wa gago o o lebanego, seo mmaraka o se nyakago, seo o ikemeseditšego go se sa lefa le tshenyegelo ya go tšweletša setšweletšwa se. Gape o swanetše go itlwaetša melao le melawana ye e setšweletšwa se tla swanelwago ke go e obamela. (Bala ka gantšhi ka molao wa Aforika Borwa mo.) Ya bokaone, bjalo ka ye kgwebo ye le ye nngwe ya temo, ke go šireletša mmaraka pele ga ge o thomiša ka tšweletšo.
Batšweletši ba mae ba ka tšweletša dikgogo tša bona tša go beela (ke seo o se bitšago gore ka dikgogo tša go beela mae) goba go reka dinonyana tše mo nakong ya go beela ka mengwaga ye 18 go ya go 19 ya dibeke go ya ka tswadišo. (Dinonyana di bitšwa di-pullet magareng ga nako ya go beela e fihla go fihlela di ikemišeditše go tšweletša mae). Ke mogopolo o mo botse go reka dinonyana ka ge bogolo bja mošomo bo tla ba kgolo, ka ge go tla ba boima go godiša ditsuwane e tloga e le boima ditsuwane di swanetše go hwetša phepo ya go netefatša gore di tla kgona go tšweletša boleng bjo bo botse bja mae. Ka nakong ya go beela ditsuwane di swanetše go entiwa kgahlanong le malwetši a bohlokwa kudu.
Dikgoogo tša go beela ka kakaretšo, go ya ka mohuta wa tswadišo, phepo ya dinonyana le mabaka a tlelaemete, di tšweletša lee le le tee ka letšatši. Dikgogo tša go beela tša mapastere a tša kgwebo, go fa mohlala, di tšweletša mae a go ba mmalwanyana kudu ka fase ga maemo a a go fiša kudu mae go feta ka fase ga maemo a thempheratšha a ditlelaemeta.
Mae ke a ma nnyane mathomong eupša ga ya ka go gola ga nnyane ga nnyane. Palo le boleng bja mae a tšweleditšwego e tla ya godimo bogareng ka leboo la tšweletšo le ya go kgaotša. Balemirui ba bannyane goba balemirui bao ba dulago ba nago le dinonyana tšeo di legago dijo tša go topella tšeo di senago le ditshenyegelo tša godimo, ba ka tšea sephetho sa go dula le dinonyana leboo le lengwe la tšweletšo. Ka tshepedišong ya tšweletšo ye e tseneletšego, le ge go le bjalo, dinonyana di rekišwa go barekiši ba mebileng ge go dira mogopolo o mo botse wa letsenyo go tliša dinonyana tše mpsha, gantšhi go tšwa dibekeng tše 69 tša tšweletšo.
Mehuta ya Papatšo
Batšweletši ba mae ba ka rekiša mae a bona thwii go tšwa polaseng, go tšwa ka go tsenela ngwako ka ngwako goba go rekiša ka mmileng, mebaraka ya motšweletši goba bagwebi. Go dira papatšo ka bowena go ka dira kgopolo ya ekonomi ge o na le tšweletšo ye nnyane, eupša e ka ba ya go ja nako kudu ya go ba le poelo ya nalo ya nnyane go motšweletši go ba ka lekaleng la tšweletšo ka ge e le gore tšweletšo e ya e ba ye kgolo. Dinamelwa, go phuthela le go fa maina le tšona di ka oketša ditshenyegelo.Ka lehlakoreng le lengwe batšweletši ba ka šomiša banamoledi ba mebaraka, bao gantšhi ba kgoboketšago mae ka motheo wa khomišene goba ka akhaonto ya bona, gomme go tloga fao ba rekiša mae mebarakeng ya gae, go diholeseile, bagwebi, diresturente, dihotele, dipetlele bjalobjalo. Bakgoboketši ba ka barekiši ba go sepela ba ikemego, barekisetši ba mebaraka, baphuthedi ba go ikemela ba baloti goba batšweletši ka bobona.
E ka ba kgopolo ye botse go thoma khamphani ya koporasi ya go lota ya go phuthela ditikologong tšeo go nago le sehlopha sa balemirui bao ba tšweletšago mae. Mogola wa se o mogolo ke gore koporasi e tla ba le kgahlego ye kaone ka dipelong ya balemirui ka pelong, ka ge e sepetšwa ke bao le badiriši, e sego gore ke mang mong wa yona.
Boleng bja mae
Go oketša Boleng
Balemirui ba ka oketša boleng bja ditšweletšwa tša bona ka tsela ya go lota. Ba ka go fa mohlala, rekiša mae a a phegilwego ka meetse goba mae a seela. Boleng bo tla oketšwa gape go tšweletša ka go phuthela le go fa maina, go dira gore e emelele go tšwa go ditšweletšwa tše dingwe.Translated by Lawrence Ndou