Go ya ka mošupatsela wa tšweletšo ya nama ya kolobe wa Mokgatlo wa batšweletši ba kolobe ba Afrika Borwa (SPPO), Pigs for Profits, letšholLO ka tlwaelo le bonala go dikolobe tša bana, eupša le ka hlaga go dikolobe tšhohle. Ka kakaretšo, e baka ke phetogo ya dijo, go ja kudu, kgatelelo ya tswalo, malwetši goba diphelakadingwe tša ka gare.
Phetogo ka dijong, kgatelelo ya tomollo le go ja kudu
Go thibela kgatelelo ya tomollo le go ja kudu ga dikolobe tša bana, Pigs for Profits e eletša balemi go fa dikolobe tše tshadi dijo tše di lekanego go netefatša gore di na le le maswi a go lekana go fa kolobe ye nngwe le ye nngwe. Dikolobe tše nnyane di swanetše go fiwa dijo tša go tia tše nnyane tša go tloga go matšatši a 21, goba bonyane bja matšatši a lesome pele ga ge di thoma tomollo, go di tlwaetša dijo tše di tiilego. Dijo di swanetše go fokotšwa mo matšatšing a mmalwa a tomollo go thibela dikolobe go ja kudu.Dijo tše mpsha goba ditswaki di swanetše go tsebišwa gannyane, gannyane ka beke goba go feta, go thibela go swabiša dimpa tša dikolobe.
Bolwetši
Pigs for Profit e tsopola malwetši a latelago a le ona a ka bakago letšhollo:Colibaccilosis e hlola ke dipaktheria ye golago; Escherichia coli (E.coli) gomme e ama dikolobe tše nnyane mo dibeke tše tharo tša mathomo tša bophelo le tomollo. Ka tlwaelo dikolobe tše amilego di na le letšhollo la cream, goba mmala o serolwane, la go thelela la go ba le madi. Dikolobe di na le go lahlegelwa ke kgahlego ya dijo, ga di sa ba mafolofolo gomme di ka bolya ke komelelo. Bolwetši bo ka hlola mahu, ka nlt le dika tša bolwetši.
Colibaccilosis e hlama ge dikolobe di sa hwetše colostrum ye lekanego ( maswi a mathomo a tšweletšwago ke diphoofolo ka morago ga go tla ga bana) ka gare ga diiri tša mathomo tše tharo morago ga ge ba belegwe goba ge ba sa kgone go hwetša maswi go tšwa go bomme. Ka fao go swanetše go elwa hloko go kgonthiša gore di hwetša Kholostramo gare ga iri ya mathomo ka morago ga ge ba belegwa gomme dikolobe tše tshadi di swanetše go le dijo tše di lekanego go kgonthiša gore di tšweletša maswi a lekanego.
Kgatelelo e hlolwago ke tomollo, phetogo ya dijo goba kopanyo ya dikolobe go tšwa go dilitara tše dingwe, kudu ge di fapana ka bogolo, e ka ba le seabe go go dikolobe tša kgale. Bothata bjo bo ka fenywa ka go fa dikolobe furu ye nnyane go tšwa go matšatši a 21, go ya pele go di tlwaetša dijo le go fokotša phepo mo matšatšing a mathomo a mmalwa a tomollo.
Dikolobe tša go lwala di swanetše go alafša ka dianthipayothiki le go fiwa diela le electrolytes go thibela komelelo.
Rotaviruss ke bolwetši bjo kotsi bjo hlolaga letšhollo kudu go dikolobe tše nnyane mo dibekeng tše tharo tša mathomo ka morago ga matswalo. Ga go na kalafi.
Coccidiosis, e hlola ke diphelakadingwe tša ka gare, kudu di ama dikolobe tše nnyane mo dibeke tše tharo tša mathomo tša bophelo. Bolwetši bo hlola letšhollo la mmala wi serolwane la go ba le fulo gomme le ka alafa ke antimicrobials.
Clostiridium ke Bolwetši bja paktheria bjo bo amago dikolobe tše nnyane mo dibeke tše tharo tša mathomo tša bophelo. Dikolobe tše amegilego di na le letšhollo la madi gomme ka dinako tše dingwe di a hwa. Ga go na kalafi.
Swine dysentery ke Bolwetši bja paktheria bjo bo ama kudu dikolobe tše kgolo. Bolwetši bo na le go rwala ke magotlo, ka fao balemi ba swanetše go boloka dikokoni ka ntle ga lefelo la bona la tšweletšo. Dikolobe tše amilwego di ba tše sese le maloko a tšona ka tlwaelo a boleta ka mmala wo montsho wa go ba le bosehla. Bolwetši bjo ka alafša ka dianthipayothiki.
Illeitis, ya go hlolwa ke paktheria ya Lawsonia, gantši e ama dikolobe tše kgolo. Dikolobe tše di amegilwego di na le letšhollo la madi gomme ka dinako tše dingwe di a hwa ka ntle le lebaka. Bolwetši bo ka alafša ka dianthipayothiki.
Malwetši a ka moka a ka thibelwa ka maphelo a mabotse le biosecurity. Legato le le nngwe la mathomo mo nakong ye nngwe le ye nngwe ke go tloša dikolobe tša go lwala ggo tše di phelago gabotse go thibela go phatlalala ya malwetši a.