I-propolisi yilawu eliqakatheke khulu lesithathu lemikhiqizo yenyosi begodu imumethe urhomo (50%), i-wax eyi-(30%), amafutha qakathekileko ayi-10%, i-pollen (5%) kanye nezinye izinto eziyi-(5%). Imumethe amavithamnini aqakathekile, afana nevithamini B1, B2, B6, C, Kanye ne-E, kanye namaminerali afana nama-magnesium (Mg), calcium (Ca), potassium (K), sodium (Na), copper (Cu), zinc (Zn), manganese (Mn), kanye ne-iron (Fe).
Kunamalawu angaphezulu kwayi-300 atholwe ku-propolis, ubunengi bazo obuza nge-polyphenols (antioxidants). I-Antioxidant irhelebha ukulwisana namalwelwe ikuvikele emalwelweni emzimbeni.
Isetjenziselwani i-Propolis
Ngokuzesa ngaphakathi kwendlu yenyosi nge-propolis, iinyosi zivikela izindlu zazo ekutheni zingarhatjhekelwa mabhakutheriya kanye nenkowani. Njeke i-propolis ibulala amagciwani endlini zenyosi begodu ihlangana nezinye izinto ezinamandla khulu ezibulala amagciwani ezithola ebhodulukweni.Iinyosi zisebenzisa i-propolis ukuqinisa amasotja wazo womzimba ziyisebenzise ukuzesa ngaphakathi kwezindlu zazo nanyana emakhekhebeni ngaphambi kokobana indlovukazi ibekele amaqandayo. Zisebenzisa i-propolis njengemetheriyali yokwakha nanyana zivale umnyango wobungeno bendlu yazo, okwenza bona kube lula ukuzivikela.
I-propolis isetjenziselwa ukukhandela iinunwana ezifileko kobana zingaboli, okwenza bona zingafaki amagziwani endlini yenyosi. Ngokufanako, i-propolis yayisetjenziswa babantu bakade beGibhide ukukhandela ama-mummy wayo ekuboleni.
I-propolis isetjeniswa babantu ngebanga lokobana ibulala amabhakutheriya ikhandela nokuvuvuka beyiqinise namasotja womzimba. Ingafakwa emakhrimini weskhuba sabantu abane-eczema kanye ne-psoriasis nanyana isetjenziswe ensibheni nentweni zokuhlamba. Ingasetjenziswa njengokuya lokha nakudliwa iliju elizele yona kanye nemapelini nakwenzinye iinhlanhla ezimamanzi. I-propolis ingathengwa emakhemisti, emavikilini athengisa ukudla okunepilo nanyana ebafuyini benyosi.
Ukukhiqizwa kwe-Propolis eSewula Africa
eSewula Africa i-propolis ikhiqizwa beyithengiswe kodwana ngemithamo emincani. U-Mike Allsopp ihloko yezerhubhululo encenyeni lapha kurhujululwa khona ngeliju lenyosi e-Agricultural Research Council (ARC) endaweni ye-Stellenbosch: “Utlhadlhule wathi kulingwe kanengi ukuthengisa umkhiqizo we-propolis eSewula Africa – begodu kwenziwe okungasenani i-MSc degree thesis yinye ukurhubhulula lokho – kodwana iSewula Africa khange yarhona ukukhiqiza imithamo etlhogakalako yokobana ithengiswe emarageni zenarha zangaphandle. I-propolis yeSewula Africa ngeyekhwalithi ehle begodu ifunwa khulu, kodwana abarhwebi bephasi loke batlhoga imithamo eminengi kunale ekhiqizwa bafuyi benyosi beSewula Africa. Nanyana kunjalo, lokho kungathuthukiswa eSewula Africa."Umfuyi wenyosi angarhona ukukhiqiza ikhilogramu yinye yayo ngonyaka, kodwana lokho ngeze kwaziphatha kuhle iinyosi. Yoke imikhiqizo ye-propolis iyabiza naziza ekukhiqizeni iliju. I-propolis ayisi yinzuzo engezelelweko, ijamiselela ukukhiqizwa kweliju – iinyosi ezisebenzela ukukhiqiza i-propolis azikhiqizi iliju.
I-propolis yeSewula Africa ayitjhiswa, kodwana evela kwezinye iinarha itjhisiwe (ukuze isetjenziselwe ukwenza amakhrimu kanye nama-tinctures iyatjhiswa.
Ukwala Kwezepilo
Sibawa utjheje: Ilwazeli lenzelwe ukufundisa kwaphela kanye nangomcopho wokupha ilwazi kwaphela begodu akukafaneli lisetjenziswe njengesiyeleliso sezepilo. Ilwazeli alikenzelwa ukujamiselela iinyeleliso zezokulapha nanyana ukulatjhwa okunikelwa ngusiyazi wezepilo.Translated by Lizzy Shongwe