Wild Hibiscus

Igama

Wild Hibiscus

Igama lesi-Latin

Hibiscus engleri

Ihlathululo

Umhlobo lo wesimilo uhlangana neminye yemihlobo yamathuthumbo asarulana we-hibiscus ajameleke ngemihlobo yama-petals wayo amahlanu kanye nendlela amagatjawo ahlezi ngayo. Imihlobo le yesimilo mimitjhana emincani ematsika enamakari namagatja amarhwarhwa. Amakari avamise ukuba nesiphetho esisongekileko besibe nameva, begodu ambeswe maboyana amarhwarhwa, akheke njenge kwekwezi.
Amathuthumbo la akheke njenge bhegere ahlezi maqalanga emagatjeni aziziqu ezimatsikana. Avamise ukuba nombala osarulana kanye nelihlwana elimnyama; amathuthumbo onakala lula khulu begodu ahlala isikhathi esingaba lilanga linye kwaphela ngaphambi kobana atjhwabe; amatjha avuleka kanye qobe ekuseni.
Incenye enamathelako namatlhurhelo zihlangene zakha ubuhle bencenye ebobonakala lula eba phakathi kwethuthumbo. Emaphageni kujayeleke umhlobo wombala obukhobe. Isimilwesi sitlhurha khulu ehlobo. Eminye imihlobo ye-Hibiscus imihlobo yeemilo zomango ezinekani ezisuka kezinye iinarha.

Indawalo yemvelo

I-Wild Hibiscus imila khulu eendaweni ezibizwa ngama-savanna areas kanye nemahlathini, begodu i-Hibiscus geb=nus isabalele ngobubanzi khulu inarhakazi yoke.

Imbewu

Hibiscus mhlobo ohlobene neemilo zewula kanye nembewu yeminye imihlobo imaruthuruthwana kanye namaboyana athambileko afana nekoteni nofana iwula.

Ibuthelelolwazi ngomangwawo

Kunemihlobo ye-Hibiscus engaphezu kemasumi amahlanu eSewula Afrika kwaphela begodu itholakala eendaweni zayo zeemvelo. Amathuthumbawo ayakarisa begodu adosa amehlo wemihlobohlobo yeenunwana ekufaka hlangana amaviyaviyana kanye neenyosi begodu agcina sele arhola neenyoni eziphila ngokudla iinunwana.