Amakheji weentenetjha kufuze kube lula khulu ukuwalawula nokuwahlwengisa. Kuhle khulu ukuthi abekwe ngokulandelana okuhle, ngokuwabeka ngerhemo elingamabili nofana ngalinye. Iminyango yamakheji kufuze ibemikhulu ngokwaneleko ukwenzela bonyana intenetjha ikhitjhwe lula ngaphakathi begodu nokuhlwengisa kungabi budisi.
Erhemeli elingayinye, umnyango ungaba phezulu nofana ngaphambili, kuthi kilawo ahlaleleneko umnyango kufuze ube ngaphambili. Izinto ezilodlhela umnyango kufuze ziqine ngokwaneleko ukwenzela bonyana iintenetjha zingaphumeli ngaphandle. Nangabe amakheji arhenyisiwe, tjhiya isikhala esaneleko phakathi kwawo ukwenzela bonyana ukghone ukusebenza lula. Kufuze ukghone ukusunduza ingolovana hlangana nawo.
Umsuqwazo uqakatheke khulu notholakala ngokungasi yihloso ekufuyeni iintenetjha. Ungawulahli umsuqwa lowo nofana emalalwenazo njengomba kumkhiqizo oqakatheke khulu lowo. Njengombana uyatjhugululwa wenziwe isisetjenziswe sokunothisa isivande semirorho. (Ngelwazi elingeneleleko bona isigaba somanyoro/umsuqwa).
Iphasi elenziwe ngeengodo nofama amaplanka kufuze zibe neenlalo. Lokhu kungaba ziintshutshuru, iingojwana nofana utjani obomileko. Amakheji arhenyisweko kufuze abe nesikotlelwana esisipara sokubuthelela umsuqwa hlangana. Kungaba ngeye drada nofana iplastiki endlwalwako ngaphasi kwekheji.
Incenye yangaphasi kwamakheji kufuze lihlwengiseke lula. Nangabe ngelesanda, kufuze lithanyelwe ngawo woke amalanga kuthi lelo le-concrete kungandlalwa utjani nofana isanda esusekako ifakwe equbini lomsuqwa ngetonini.
Asikho isidingo sokususa iintenetjha nawuhlwengisa amakheji njengombana zinganamraro nalokho. Nokho kufuze zisuswe kwaphela nangabe kurhabulwa ngomlilo ikheji nangabe intenetjha begade igula.
Translated by Johannes Nkosinathi