Kha dzine da dzula dzi dzoṱhe muṋango u fanela uvha nnṱha kana nga phanḓa. Muṋango u fanela u khwaṱha u itela uri dzi si bvele nnḓa. Musi hune dza dzula hone ho vhewa nga miduba vhukati ha miduba hu fanela uvha na nḓila ya vhuḓi uri hu kone u shumea zwavhuḓi. Uri hu kone na u tshimbila girivhane.
Manyoro ndi tshithu tsha ndeme kha u fuwa mivhuḓa. Zwenezwo malwata a mivhuḓa ha faneli u laṱiwa ngauri anga vha manyoro avhuḓi kha miroho ine wa ṱavha ngandeni. Fhasi hune havha ho itwa nga mabulanga hu fanea uvha ho adziwa zwithu. Hu nga shelwa sawdust kana mahatsi madala. Dzine dza vha dzo itwa nga ḓirata dzi fanela uvha na manyoro vhukati ha dzi nnḓu dza mivhuḓa hezwo zwi nga itwa nga dzi metal tray kana nga maplastic ane avha atshi khou nembelela fhasi ha ṱhanga.
Fhasi ha hune dza dzula hone hu fanela u kulumagea zwavhuḓi. Arali fhasi ha hone hu mutavha, hu fanelwa u swielwa ḓuvha linwe na linwe arali fhasi ho itwa nga concrete hu fanelwa u shelwa sawdust kana muṱavha zwine zwa thusa kha musi u tshi vho zwibvisa.
Mivhuḓa a i tei u bviselwa nnḓa arali hu tshi khou kulumagiwa ngauri ai vhilaeli musi i tshi sokou dzheneliwa. Nga nnḓa ha musi munwe wa muvhuḓa u tshi khou tou lwala ndi hone hune ha vha na ṱhoḓea ya u i bvisa.
Translated by Khalirendwe Nekhavhambe