Igama lomndenazo elijayelekileko
ToadfishIgama lesayensi
BatrachoididaeUbukhulu
Ingakhula beyibe masenthimitha amatjhumi amahlanu nekhomba, ubuncani bazo ziba masenthimitha alitjhumi nekhomba.Ikambiso Yokufanisa
Inehloko ekulu, umzimba orhunyelako ukuyela emsileni omncani. Inomlomo omkhulu, kuthi incenye yomhlathi engehla ihlobiseke ngesikhumba esilengeleleko kanye neendevu. Inamalungu wokuthaya asemhlana amabili kanye namasasa nofana amevana encenyeni embese iintunja ephefumula ngazo. Nayihlabako ngawo ikhupha itjhefu. Ezinye zazo zinezitho ezikhiqiza umkhanyo. Zinombala wesanda kanye namabala amnyama eziwasebenzisela ukuzifihla.Ilwazi Elivamileko
Umndeni wama-Batrachoididae wakhiwe mikhakhawo ematjhumi amabili nantathu kanye nemihlobazo ematjhumi abunane. Igama lazo lisuselwa endleleni engayo. Zitholakala esandeni nofana phasi esithomeni samanzi edakeni. Zimhlobo obamba iinlwanyana ezinye. Eziduna zisebenzisa incenye yesisu sazo ukwenza itjhada elidosa ezisikazi bonyana zize esidlekeni. Eduna ngiyo elusa amaqanda ukufikela lapho aqoqosela khona begodu nalapho sele amadzinyanazo aneemveke ezihlanu zobudala.Ukudla Kwazo
Ziphila ngokudla imizoka, iinlwanyana ezincani ezithayako kanye nezomhlobo onganamgogodlha.Ukusabalala Kwazo
Zitholakala kiwo woke amalwandle womhlaba wobujamo bezinga elifuthumeleko kanye nelipholileko.Imihlobazo ejayelekileko
Brown toadfish - Batrachomoeus dubiusSnakehead toadfish - Batrichthys apiatus
Splendid toadfish - Sanopus splendidus