Imiraro Yokugayeka Kokudla Emfarigini

Ukuqurhelana

Ukuqurhelana kuvamise okubamba iimfarigi ezimithi nasele ziseduze nokubeletha, amatjhwayo wakhona afaka amakaka omileko, umgogodlha ogobekileko ukuquma ngebanga lokuzwa ubuhlungu lokha nazikakako.
Intatha
Ukuqurhelana kungakhandelwa ngokobana kungezelelwe imithiya ekudleni kwemfarigi ezimithi. Emvekeni ezimbalwa ngaphambi kokobana zibelethe, ukudla okuhlaza nanyana i-bran, kungafakwa ekudleni kwemfarigi ezisikazi ukukhandela kobana zingaqurhelani. Kufanele kutlhogonyelwe bona iimfarigi zihlala zithola amanzi aneleko.
Ihlangano ye-Pig Association uphe isiyeleliso sokobana abafuyi bangakulapha njani ukuqurhelana emfarigini uphakamise bona iimfarigi zziphiwe ihlanganisela yeapula eliyikota, ipremu, nanyana ijuzi ye-cranberry kuhlanganiswe namanzi ayi-3/4. Ukufaka umgade nanyana isthelo ekudleni kungarhelebha.

Ukufuduka Kwamalunga Womzimba

©Glenneis Kriel
Ukufuduka kwamalunga womzimba kungenzeka ebudaleni bomnyaka obunye nobunye, kodwana kuvamise ukubamba iimfarigi ezisikazi ngemva kokubeletha lokha nazinobudisi obuhlangan kwe-25 kg ukuya ku-100 kg. Amathumu wefarigi angafuduka lokha nakasongeneko nalokha nayithulula khulu.
Iimfarigi ezinomraro lo, zinamathumbu avuvukileko, nanyana ahlolileko. Ilungu lomzima elinomraro lo liyavuvuka libhamuke, ekurholela ekutheni izwe ubuhlungu khulu, ithukwe beyiphefumulele phezulu bese iyafa. Lokha nakuhlolwa isidumbu sayo nge-post-mortem, ilungu lomzimba elenzeke lokhu, okuvamise kobana kube yhi-spleen, amathumu nanyana isbindi zizabe zivuvukile, zinegazi ngemathunjini.
Ngokuya ngokwehlangano i-NADIS Animal Health Skills, ukufuduka kwelungu lomzimba kungabangelwa kudla khulu, kukudla kwebusika nanyana ukudla okubilako okumanzi, nanyana i-colitis.
Intatha
Ukutlhogonyelwa kuhle kanye nokulawulwa kokudla ezikudlako kuzokurhelebha ukukhandela ukufuduka kwamalunga womzimba, Ukukhandela ukufuduka kwamalunga womzimba, i-South African Pork Producers Organisation kumanuwali yabo i-Pigs for Profit, iphakamisa bona abafuyi baphe iimfarigi zabo ukudla kathathu ngelanga ukukhandela bona zithabe khulu nazibona ukudla begodu baqiniseke bona iimfarigi ezisikazi azeqi khulu ngemva kokubeletha.

I-Rectal Prolapse

Ifarigi nayinomraro lo ithumbu elincani lihlola esdunwinini. Ubujamobu buvamiswe ukubonwa emfarigini ezincani. Ngokuya ngokwe-Pigs for Profit, ungabangwa kuqindezeleka. Emathunjini okubangwa kugibelana kwemfarigi ezincani ebusika. Nayitjhefu efana ne-mycotoxins ebangwa sikghoro ekudleni.
Intatha
Iimfarigi ezinomraro lo kufanele zihlukaniswe nezinye ziphiwe ukudla okumanzi. I-Pigs for Profit yelelisa abafuyi bona bangalimi ukususa nanyana babuyisele ilunga lethumbu elincani elilengelele ngaphan dle. Ngombana ifarigi izokonda.

Translated by Busisiwe Prudance Skhosana