Lilac Breasted Roller
Gewone Troupant
Naam
Gewone Troupant
Voorkoms
Die gemiddelde grootte van die gewone troupant is 14,5 duim. Die groen kop is groot, die nek is kort, die groengeel bene is taamlik kort en die pote is klein. Die bek is sterk, geboë met ‘n hakie aan die punt. Die mediumlengte stert is smal. Die rug en blaaie is bruin. Die skouer van die vlerk, die buitenste web van die vlugvere en die romp is alles pers. Die basisse van die hoofvliegvere en die dekvere is valerig groenblou en die buitenste stertvere is verleng en swart. Die ken is witterig, en word geleidelik perser tot diep pers op die bors. Die onderkant is groenblou. Die snawel is swart en die oë is bruin. Dit het groot vlerke en vlieg sterk.
Dieet
Die gewone troupant vreet sprinkane, kewers, soms akkedisse, krappe en klein amfibieë. Hulle tel prooi van die grond af op.
Voortplanting
Hulle maak ongevoerde neste in natuurlike boomgate of in termiethope. Soms neem hulle die houtkapper of visvanger se nesgate oor. Hulle lê 2-4 wit eiers, wat vir 22-24 dae deur beide geslagte bebroei word. Teen 19 dae is die kuikens volledig ontwikkel en grysbruin.
Gedrag
Die gewone troupant kry sy naam van sy indrukwekkende paringsvlug - 'n vinnige, vlak duik van aansienlike hoogte met 'n rollende of vinnige wiegbeweging, gepaardgaande met harde, kras geluide. Dit kom voor asof alle troupante monogaam en hoogs territoriaal is. Die gewone troupant sal op 'n dooie boom sit en die gebied vir prooi bespied. Een tipiese kenmerk van die troupant se gedrag is dat hy sal jag op diere wat van bosbrande vlug. Hy is 'n vinnige vlieër wat tydens die broeiseisoen allerhande vliegtoertjies sal uitvoer. Hulle teel eintlik terwyl hulle vlieg. Hulle woon in pare of klein groepies, maar word dikwels alleen gesien. Hul geluid is 'n harde, kras geluid, 'zaaak'. Hulle is deels migrerend, maar in sommige gebiede is hulle sedentêr. Om te voed, spring hulle van 'n hoër sitplek af tot langs hul prooi en vreet dit op die grond of keer terug na 'n sitplek waar hulle die prooi doodmaak voordat hulle dit verslind. Hulle is territoriaal, en sal klein tydelike voedingsgebiede verdedig, daarom kom individue met gereelde tussenposes langs paaie voor. Hul verjaag ander spesies rondom hul nesgate, selfs nadat hulle klaar gebroei het.
Habitat
Grasvelde, oop woude en streke waar palmbome alleenstaande groei.
Waar hulle voorkom
Die spesies kom min of meer onafgebroke voor dwarsdeur Oos- en Suider-Afrika vanaf die Rooi See-kus van Ethiopië en Noordwes-Somalië tot by die Angola-kus en noord-Suid-Afrika. Gewone troupante bewoon akasia-land met goed verspreide bome, golwende bosagtige wildgrond, rivieroewers en bewerkte grond, maar hulle assosieer nie met menslike bewoning nie.
Latynse naam
Coracias caudata.
