Kudu Lily
Koedoelelie
Naam
Koedoelelie
Latynse naam
Pachypodium saundersii
Beskrywing
Die koedoelelie is ’n vetplantagtige struik met ’n dik stam onder en stekelrige takke. Die blare is blinkgroen met golwende rande. Blomtyd is in die herfs en die blomme is wit.
Habitat
Die koedoelelie groei in rotsagtige gebiede in die Nasionale Krugerwildtuin en word in die Lebombo berge en ander areas in Mpumalanga en KwaZulu-Natal en in die naburige Swaziland en Zimbabwe gevind.
Veld notas
Die koedoelelie groei baie stadig en word benadeel as gevolg van sy habitat wat vernietig word deur die mens. Dit kan nie vinnig aanpas by nuwe toestande nie en in sommige plekke het dit feitlik uitgesterf. Ten spyte van die feit dat dit ’n pragtige plant is, het dit geen ander nut vir die mens nie, om die waarheid te sê is die plant giftig vir vee.
